مٹیاری مسافر وین حادثہ، ایم کیوایم رابطہ کمیٹی کا اظہار افسوس
جاں بحق افراد کے درجات کی بلندی، زخمیوں کی صحتیابی اور لواحقین کے صبر جمیل کی دعا
کراچی ۔۔۔15فروری 2016ء
متحدہ قومی موومنٹ کی رابطہ کمیٹی نے مٹیاری کے مقام پر مسافر وین اور ٹرین کے تصادم کے نتیجے میں خواتین اور بچوں سمیت متعدد افراد کے جاں بحق اور زخمی ہونے پر گہرے دکھ اور افسوس کا اظہار کیا ہے۔ اپنے بیا ن میں رابطہ کمیٹی نے حادثے میں جاں بحق ہونے والے افراد کے اہل خانہ سے دلی ہمدردی کا اظہار کیا ہے۔ انہوں نے دعا کی کہ اللہ تعالی حادثے میں جاں بحق ہونے والے افراد کو جوار رحمت میں جگہ عطاء فرمائے زخمیوں کو جلدازجلد صحتیابی اور متاثرین کے اہل خانہ کو صبروجمیل عطاء فرمائے۔