جامعہ کراچی میں اے پی ایم ایس او کا پوائنٹ بسوں کے کرائے میں اضافہ کیخلاف احتجاج کے بعدانتظامیاں کا فیصلہ واپس لینا خوش آئند ہے
اے پی ایم ایس او ہمیشہ طالبعلموں کے ساتھ ہونے والی ناانصافیوں کیخلاف اسی طرح آواز بلند کرتی رہے گی
اے پی ایم ایس او چیئرمین سرفراز احمد صدیقی
کراچی ۔۔۔ یکم فروری 2016 ء
آل پاکستان متحدہ اسٹوڈنٹس آرگنائزیشن کے چیئرمین سرفراز احمد صدیقی نے کہا ہے کہ اے پی ایم ایس او ہمیشہ قائد تحریک کی ہدایت اور تعلیمات کے مطابق طالبعلموں کے ساتھ ہونے والی ناانصافیوں کیخلاف آواز بلند کرتی رہے گی ۔انہوں نے کہا کہ جامعہ کراچی کی انتظامیہ کی جانب سے گزشتہ دنوں پوائنٹ بسوں کے کرائے میں اضافے سے طلبا و طالبات پر مزید بوجھ ڈالا جارہا تھا ،اے پی ایم ایس او اور جامعہ کراچی کے طلبہ کے احتجاج کے بعد انتظامیہ کا کرائے میں اضافے کا فیصلہ واپس لینا خوش آئند ہے۔