کراچی یونین آف جرنلسٹس کے سالانہ انتخابات میں گرین پینل کی کامیابی پر ایم کیوایم رابطہ کمیٹی کی مبارکباد
امید ہے نومنتخب صدر حسن عباس ، جنرل سیکریٹری واجد رضا اصفہانی اور دیگر نومنتخب عہدیداران صحافیوں کی فلاح و بہبود اور مسائل
کے حل کیلئے اپنا بھر پور کردار اداکریں گے ، رابطہ کمیٹی
کراچی ۔۔۔31، جنوری 2016ء
متحدہ قومی موومنٹ کی رابطہ کمیٹی نے کراچی یونین آف جرنلسٹس کے سالانہ انتخابات میں گرین پینل کی کامیابی پر دلی مبارکباد پیش کی ہے ۔ ایک تہنیتی بیان میں رابطہ کمیٹی نے کراچی یونین آف جرنلسٹس کے نومنتخب صدر حسن عباس ، جنرل سیکریٹری واجد رضا اصفہانی اور دیگر نومنتخب عہدیداران کو مبارکباد پیش کرتے ہوئے امید ظاہر کی کہ نومنتخب عہدیداران صحافیوں کی فلاح وبہبود اور ان کے مسائل کے حل کیلئے اپنا بھر پور کردار ادا کریں گے اور زرد صحافت کی نفی اور آزادی صحافت کیلئے اپنی تمام صلاحیتیوں کا استعمال کریں گے ۔