ایم کیوایم کے تحت جناب الطاف حسین کی درازی عمرصحت وتندرستی اورایم کیوایم کی کامیابی وکامرانی کے لئے دعائیہ اجتماع کاانعقاد

کراچی: ۔۔۔30؍ جنوری 2016ء 

متحدہ قومی موومنٹ کے تحت لال قلعہ گراؤنڈعزیزآبادمیں قائدتحریک جناب الطاف حسین کی درازی عمرصحت وتندرستی اورایم کیوایم کی کامیابی وکامرانی کے لئے دعائیہ اجتماع کا انعقادکیاگیاجس میں ایم کیوایم کی رابطہ کمیٹی کے سینئرڈپٹی کنوینرعامرخان،ڈپٹی کنوینرزکہف الوریٰ،سیدشاہدپاشا،اراکین رابطہ کمیٹی،حق پرست اراکین سینیٹ،قومی وصوبائی اسمبلی ،یوسیوں کے چیئرمینز،وائس چیئرمینز،کونسلرز،ایم کیوایم کے ونگزوشعبہ جات کے ارکان،علاقائی سیکٹرزویونٹ کمیٹی کے عہدیداران، کارکنان اورایم کیوایم کے ہمدردعوام نے بڑی تعدادمیں شرکت کی اورقائدتحریک الطاف حسین سے والہانہ عقیدت ومحبت کااظہارکرتے ہوئے ان سے مکمل اظہار یکجہتی کیا۔اس موقع پرتمام شرکاء نے دوردشریف کا ورد کیا اورقائدتحریک کی صحت ،تندرستی اوردرازی عمرسمیت ایم کیوایم کی کامیابی وکامرانی،ایم کیوایم کے خلاف جاری سازشوں کے خاتمے،جیلوں میں اسیرکارکنان کی جلدازجلدرہائی ، لاپتہ کارکنان کی باحفاظت بازیابی،شہداء کے درجات کی بلندی کے لئے خصوصی دعائیں کیں ۔بعدازاں اس موقع پرشعبہ قلیتی امورکے تحت بھی قائدتحریک جناب الطاف حسین کی درازی عمرصحت وتندرستی کے لئے دعائیہ اجتماع منعقدکیاگیاجس میں ہندو،سکھ اورکرسچن برادریوں سے تعلق رکھنے والے افرادنے شرکت کی اوراپنے اپنے مذہب کے مطابق جناب الطاف حسین کی صحت وتندرستی کے لئے دعائیں کیں۔