لاکھوں دلوں کی ڈھرکنْؐ قا ئد تحریک جناب الطاف حسین کے بیانات ، تقاریرا ور تصاویر پر پابندی نا منظور، ایم کیو ایم کینیڈا
ملک کی تیسری بڑی جماعت کے قائد پر پابندی اورہشت گردوں کو مکمل آزادی دوہرے رویوں اورمتعصبانہ فیصلوں کی عکاس ہے
اس غیرآئینی فیصلے کی مثال تاریخ میں نہیں ملتی جس کی سخت الفاظ میں مذمت کرتے ہیں۔ سینٹرل آرگنائزر آصف قاضی
ٹورنٹو:28؍ جنوری 2016ء
ایم کیو ایم کینیڈا کی سینٹرل آرگنائزنگ کمیٹی کے زیر اہتما م ایک ہنگامی اجلاس کا انعقاد کیا گیا جس میں ہوئے پنجاب ہائی کورٹ کے غیر آئنی و غیر جمہوری اور متعصبانہ فیصلے کے خلاف احتجاج کرتے اس کو مکمل طور پر رد کیا ہے اور ارباب اختیار سے مطالبہ کیا ہے کہ لاکھوں دلوں کی ڈھرکن جناب الطاف حسین پر لگائی جانے والی پابندی کو ختم کیا جائے ۔انہوں نے کہا کہ پاکستان کے محروم و مظلوم طبقے کی نمائندگی کرنے والے رہنماء کی آواز کو دبانے کی اجاز ت ہر گز نہیں دی جائے گی۔ ہم ایم کیو ایم کینیڈا لاہور ہائی کورٹ کے متعصبانہ فیصلے ،آئین پاکستان کی کھلم کھلا خلاف ورزی ‘ نام نہاد اشرافیہ کے دوہرے معیار اور مظلوموں ومحروموں کے قائد الطاف حسین کے ساتھ امتیازی سلوک کی سخت الفاظوں میں مذمت کرتے ہیں۔ سینٹرل آرگنائزر آصف قاضی نے ارباب اختیار کی توجہ اس جانب بھی دلائی کہ ریاست پاکستان کے آئین میں ایسی کوئی گنجائش موجود ہی نہیں جس کے تحت ایک مقبول رہنما کے بیانات‘ تصاویر‘تقاریراور ٹکرز پر پابندی لگائی جاسکے۔اس پابندی پانچ ماہ سے زیادہ کا عرصہ گزر چکا ہے لیکن عدلیہ‘میڈیا‘ اسٹیبلشمنٹ اورحکومت وقت کی جانب سے مسلسل سرد مہری کے مظاہرے کے بعد اب اس معاملے کو عالمی سطح پر اٹھانے کا فیصلہ کیا گیا ہے۔ہمارے اس عمل کا مقصد بین الاقوامی برادری کی توجہ نام نہاد جمہوری حکومت کے غیر جمہوری رویے کی جانب پر زور انداز میں دلانا ہے۔ اس موقع پرانہوں نے ایم کیو ایم کینیڈا کی جانب سے کینیڈا بھر میں احتجاجی مظاہرو ں کا اعلان کرتے ہوئے کہا کہ احتجاج کا یہ سلسلہ ہر سطح پر اس وقت تک جاری رہے گا جب تک قائد تحریک الطاف حسین کے بیانات‘ تصاویر‘تقاریرکی نشرواشاعت پر غیر آئنی پابندی کا خاتمہ نہیں ہوجاتا۔