ایم کیوا یم نے پاکستان میں پر امن احتجاج کی نئی مثا ل قائم کرکے مہذب معاشرے کی تشکیل میں سنگ بنیاد رکھ دیا
جناب الطاف حسین پر عائد پابندی کے خلاف ملک میں مظاہروں کی تاریخ کے برعکس انوکھا انداز
مظاہرین اپنے ہاتھوں میں احتجاجی بینرز، پلے کارڈز تھامے اور ہونٹوں پر علامتی تالے پہنے مختلف مشہور شاہراہوں ، چوراہوں اور اسٹریٹس کے ساتھ موجود گرین بیلٹس اور فوٹھ پاتھوں پر پر امن طور سے کھڑے ہوگئے
شہر میں ٹریفک و دیگر معمولات زندگی متاثر نہیں ہوئے،عوام نے ملک میں مظاہروں کے نئے انداز کو سراہا
کراچی ۔۔۔26جنوری2016ء
ایم کیوا یم نے پاکستان میں پر امن احتجاج کی نئی مثا ل قائم کردی ۔قائد تحریک جناب الطاف حسین کی تقاریر و تصاویر کی میڈیاپر پابندی کیخلاف منگل کے روز ایم کیوا یم کے تحت کراچی کے 400مختلف مقامات پر احتجاجی مظاہرے منعقد کئے گئے ۔اس موقع پر پاکستان کی سابقہ تاریخ کے برعکس مظاہرین اپنے ہاتھوں میں احتجاجی بینرز اور پلے کارڈز تھامے اور اپنے ہونٹوں پر علامتی تالے پہنے مختلف مشہور شاہراہوں ، چوراہوں اور اسٹریٹس کے ساتھ موجود گرین بیلٹس اور فوٹھ پاتھوں پر پر امن طور سے کھڑے ہوگئے جس کے سبب شہر میں ٹریفک و دیگر معمولات زندگی متاثر نہیں ہوئے بلکہ ان شاہراہوں سے گزرنے والے عوام نے مظاہرین کے اس نئے انداز کو سراہتے ہوئے اسے مہذب معاشرے کی تشکیل میں ایم کیو ایم کی جانب سے سنگ بنیاد قراردیا۔