رابطہ کمیٹی کے سینئر ڈپٹی کنونیر عامر خان اور اراکین رابطہ کمیٹی کی مرحوم مزمل کے فاتحہ سوئم میں شرکت
اراکین رابطہ کمیٹی کی مرحوم مزمل احمدکے بیٹے سے ملاقات اور قائد تحریک جناب الطاف حسین کی جانب سے تعزیت وہمدردی کا اظہار
کراچی ۔۔۔ 22 جنوری 2016ء
سندھ اسمبلی میں ایم کیوایم کے پارلیمانی لیڈر اور سابق چیف سیکریٹری سندھ سید سردار احمد کے چھوٹے بھائی مزمل احمدمرحوم کی فاتحہ سوئم ان کی رہائش گاہ واقع ڈیفنس میں منعقد ہواجس میں مرحوم کے ایصال ثواب کے لئے قرآنی خوانی و فاتحہ خوانی بھی کی گئی۔قرآنی خوانی و فاتحہ خوانی اجتماع میں ایم کیوایم کی رابطہ کمیٹی کے سینئر ڈپٹی کنونیر عامر خان، اراکین رابطہ کمیٹی واسع جلیل ، عارف خان ایڈوکیٹ اور عبدالقادر خانزادہ اور مرحوم کے عزیز اقارب نے شرکت کی ۔ بعدازاں ایم کیوایم کی رابطہ کمیٹی کے سینئر ڈپٹی کنونیر عامر خان اور اراکین رابطہ کمیٹی نے مرحوم مزمل احمدکے بیٹے سے ملاقات کی اور قائد تحریک جناب الطاف حسین کی جانب سے تعزیت وہمدردی اظہار کرتے ہوئے مرحوم کی مغفرت کیلئے دعا کی۔