باچا خان یونیورسٹی پر ہونے والا دہشت گرد حملہ ناصرف قومی سانحہ ہے بلکہ اس نیشنل ایکشن پلان کی قلعی کھول دی، شبیر احمد قائم خانی

کراچی ۔۔۔ 21؍ جنوری 2016ء

ایم کیوا یم کے زیراہتمام پنجاب اسمبلی کے سامنے شہدائے باچا خان یونیورسٹی سے اظہار عقیدت کرتے ہوئے شہداء کی یاد میں شمعیں روشن کی گئی۔ اس موقع پر ایم کیو ایم رابطہ کمیٹی کے رکن شبیر احمد قائم خانی نے شرکاء سے خطاب کرتے ہوئے کہا کہ چارسدہ میں باچا خان یونیورسٹی پر ہونے والا دہشت گرد حملہ ناصرف ایک قومی سانحہ ہے بلکہ اس نے آرمی پبلک اسکول سانحہ کے بعد بننے والے نیشنل ایکشن پلان کی ناکامی کی قلعی کھول دی۔ انہوں نے کہا کہ جناب الطاف حسین اپنے خطابات اور بیانات میں بارہا طالبان، القاعدہ، داعش اور دہشتگردوں کی ملک میں موجودگی کی نشاندہی کرتے رہے ہیں اور حکومت کو آگاہ کرتے رہے ہیں کہ اگر ان دہشتگردوں کے خلاف مؤثر کاروائی نہ کی گئی تو یہ پورے ملک کو دہشتگردوں کے رحم وکرم پر چھوڑنے کے مترادف ہوگا اور اس سے پاکستان کی بقاء و سلامتی اور پاکستانی عوام کا مستقبل خطرے میں پڑ جائے گا۔ اس موقع پر ایم کیو ایم صوبائی تنظیمی کمیٹی پنجاب و سینٹرل پنجاب کے ذمہ داران و کارکنان سمیت بڑی تعداد میں مرد ، خواتین، بزرگ اور نوجوانوں نے شرکت کی۔ بعدازاں شہدائے باچا خان یونیورسٹی، پاکستان کی بقاء و سلامتی اور جناب الطاف حسین کی صحت و درازئے عمر کے لئے خصوصی دعا کی گئی۔