آج نیوز کے پروگرام ٹارگٹ کے اینکر شیری پر قاتلانہ حملے پر رابطہ کمیٹی کے رکن امین الحق کا اظہار مذمت
شیری پر قاتلانہ حملہ میں ملوث عناصر جرائم کی پردہ پوشی کیلئے تمام حدود پھلانگ بیٹھے ہیں ، امین الحق
قاتلانہ حملہ میں ملوث عناصر شیری پر ہی نہیں بلکہ آزادی صحافت پر حملہ آور ہوئے ہیں، امین الحق
حکومت شیری پر قاتلانہ حملہ کا سنجیدگی سے نوٹس لے اور ملوث عناصر کے خلاف سخت کاروائی عمل میں لائے ، امین الحق
کراچی ۔۔۔ 21؍ جنوری 2016ء
متحدہ قومی موومنٹ کی رابطہ کمیٹی کے رکن امین الحق نے گلشن اقبال بلاک 5میں آج نیوز کے پروگرام ٹارگٹ کے اینکر شیری پر قاتلانہ حملے کی سخت ترین الفاظ میں مذمت کی ہے اورکہا ہے کہ شیری پر قاتلانہ حملہ میں ملوث عناصر جرائم کی پردہ پوشی کیلئے تمام حدود پھلانگ بیٹھے ہیں ۔ ایک مذمتی بیان میں انہوں نے کہاکہ شیری نے پروگرام ٹارگٹ میں کئی سماج دشمن سرگرمیوں کی نشاندہی کی ہے اور اس نشاندہی پر ان پر قاتلانہ حملہ باعث تشویش ہے ۔ انہوں نے کہاکہ قاتلانہ حملہ میں ملوث عناصر شیری پر ہی نہیں بلکہ آزادی صحافت پر حملہ آور ہوئے ہیں جس کی جتنی بھی مذمت کی جائے کم ہے ۔ امین الحق نے حکومت سے مطالبہ کیا کہ شیری پر قاتلانہ حملہ کا سنجیدگی سے نوٹس لیاجائے اورا س میں ملوث عناصر کے خلاف سخت ترین کارروائی عمل میں لائی جائے ۔