پشاور بم دھماکا افسوسناک ہے،قیمتی انسانی جانوں کے ضیائع سے گہرہ رنج پہنچاہے ،الطا ف حسین

لندن۔۔۔19جنوری2016ء

متحدہ قومی موومنٹ کے قائد جناب الطاف حسین نے پشاور کے علاقے کارخانومارکیٹ کے نذدیک ہونیوالے بم دھماکہ کو افسوسناک قراردیتے ہوئے قیمتی انسانی جانوں کے ضیائع پر گہرے رنج کااظہار کیاہے۔اپنے بیان میں جناب الطاف حسین نے جاں بحق اور زخمی ہونیوالے افرا د کے خاندانوں سے دلی ہمدردی کااظہار کرتے ہوئے انہیں صبر کی تلقین کی ہے ، جناب الطاف حسین نے دعاکرتے ہوئے کہاکہ اللہ تعالیٰ پشاور بم دھماکے میں جاں بحق ہونیوالے افراد کو اپنی جواررحمت میں جگہ عطافرمائے ، زخمیوں کو جلد و مکمل صحتیابی عطا کرے اور متاثرہ خاندانوں کو صبر کی طاقت دے۔انہوں نے خیبر پختونخوا کی صوبائی حکومت سے مطالبہ کیا کہ وہ بم دھماکہ کے متاثرین کو سرکاری خرچ پر تمام سہولیات فراہم کرکے انکے دکھ کو کم کرنے کیلئے کردار ادا کریں۔