خورشید شاہ کا مئیر کو 2013ء کے بلدیاتی نظام کے مطابق اختیارات دینے کا بیان مضحکہ خیز ہے، خواجہ اظہار الحسن

کراچی ۔۔۔17جنوری2016ء

سندھ اسمبلی میں حق پرست قائد حزب اختلاف خواجہ اظہارالحسن نے پیپلز پارٹی کے رہنما خورشید شاہ کی جانب سے بلدیاتی نمائندوں اور مئیر کو 2013ء کے بلدیاتی نظام کے مطابق اختیارات دینے کے بیان کو مضحکہ خیز قرار دیتے ہوئے کہاہے کہ پیپلز پارٹی کو ایم کیوا یم کی جانب سے اختیارات کے مطالبے کی بات سمجھ نہیں آ سکتی ،موجود ہ سندھ حکومت نے2013ء کا بلدیاتی نظام بے اختیار کرکے منظور کیا ہے جس میں مئیر کو اپنے شہر کی ترقی کیلئے کوئی اختیار حاصل نہیں ہے۔انہوں نے کہاکہ ایم کیو ایم کے مطالبے پر مئیر کو 2013ء کے نظام کے تحت اختیارات دینے سے متعلق پیپلز پارٹی رہنما خورشید شاہ کا بیان کسی مذاق سے کم نہیں ہے۔