قائدتحریک الطاف حسین خداداد صلاحیتوں کے مالک ہیں ان کی بصیرت اور دوراندیشی سے کوئی بھی ذی شعور انکار نہیں کرسکتا

ملتان:۔۔۔16جنوری2016ء

متحدہ قومی موومنٹ جنوبی پنجاب وضلعی کمیٹی ملتان کاہنگامی اجلاس گزشتہ شب ملتان ہاؤس میں منعقدہواجس میں جنوبی پنجاب کے ذمہ داران وکارکنان نے شرکت کی ۔اجلاس سے خطاب کرتے ہوئے جنوبی پنجاب کمیٹی کے صدرمرزافرقان علی مغل نے کہاکہ وقت نے ایک بارپھرثابت کردیاہے کہ قائدتحریک الطاف حسین خداداد صلاحیتوں کے مالک ہیں ان کی بصیرت اوردوراندیشی سے کوئی بھی ذی شعورانکارنہیں کرسکتا۔انہوں نے کہاکہ داعش کے خطرات کے بارے میں قائدتحریک الطاف حسین نے قوم کوپہلے ہی آگاہ کردیاتھاآج پوراعالم اسلام بشمول پاکستان اسی خطرے سے دوچارہے۔انہوں نے کہاکہ کتنے شرم کی بات ہے کہ ہمارے حکمراں اب تک اس بات کوماننے کوتیارہی نہیں جبکہ پنجاب کے دارالحکومت لاہورسے داعش میں بھرتیاں ہوتی رہیں ہیں اورموصوف وزیرداخلہ کی ناک کے تلے اسلام آباد میں نجی ٹی وی چینل پرحملہ ہوتاہے اوروہ پھربھی داعش کے وجودسے انکاری ہیں۔انہوں نے کہاکہ ان نااہل حکمرانوں کوچلّوبھرپانی میں ڈوب مرناچاہئے ۔اجلاس میں ایک قراردادبھی منظورکی گئی کہ پاکستان کے عظیم لیڈرقائدتحریک الطاف حسین پرلگائی گئیں میڈیاپرپابندی فوری طورپرختم کی کی جائے تاکہ ان کے کروڑوں چاہنے والے ان کے خطابات کوسن سکیں نیزسپریم کورٹ آف پاکستان سے بھی اپیل کی گئی کہ وہ فوری طورپراس غیرآئینی وغیرقانونی پابندی کوختم کرائیں۔