الیکٹرانک میڈیا پروڈیوسر ز رائٹس ایسوسی ایشن کے انتخابات میں صدر منتخب ہونے پر آفتاب چوہدری کوایم کیوا یم شعبہ اطلاعات کی مبارک باد
امید ہے نو منتخب صدر EMPRA بھر پور جذبے کے ساتھ پروڈیوسرز اور ایسوسی ایٹ پروڈیوسرز کے حقوق کیلئے کام کریں گے،
اراکین مرکزی شعبہ اطلاعات ایم کیوایم
کراچی ۔۔۔۔15جنوری2016ء
متحد ہ قومی موومنٹ مرکزی شعبہ اطلاعات کے اراکین نے الیکٹرانک میڈیا پروڈیوسر ز رائٹس ایسوسی ایشن (EMPRA) کے انتخابات میں کامیابی پر ایکسپریس نیوز سے وابستہ آفتاب چوہدری کو صدر منتخب ہونے پر دلی مبارک باد پیش کی ہے۔اپنے تہنیتی بیان میں اراکین شعبہ اطلاعات نے امید کااظہار کرتے ہوئے کہاکہ نو منتخب صدر آفتاب چوہدری نیک نیتی اور بھر پور جذبے کے ساتھ تمام میڈیا ہاؤسز سے وابستہ پروڈیوسرز اور ایسوسی ایٹ پروڈیوسرز کے حقوق کیلئے کام کریں گے اور اپنے پروگرامز کے ذریعے عوامی مسائل کی نشاندہی اور انکے حل کیلئے اپنی صلاحیتوں کو بروئے کار لائیں گے۔