جناب الطاف حسین نام نہاد پابندیوں کے باوجود داعش اورملک دشمن قوتوں کے آگے سیسہ پلائی دیوار کا کردار ادا کررہے ہیں ، حق پرست سینیٹر و صدر صوبہ خیبرپختونخوا بیرسٹر محمد علی سیف
داعش کی ملک میں کاروائیوں اور اس کا اعتراف کرنے کے بعدمصلحت کی چادر کو اتار پھینکا جائے ، بیرسٹر محمد علی سیف
اب بھی جو سیاسی و مذہبی رہنما داعش کی موجودگی کے حوالے سے غلط فہمیاں پیدا کررہے ہیں وہ دراصل داعش
سے اپنے تعلقات نبھا رہے ہیں ، بیرسٹر محمد علی سیف
پشاور ۔۔۔15، جنوری 2016ء
متحدہ قومی موومنٹ کے سینیٹر اور صوبہ خیبرپختونخوا کے صدر بیرسٹر محمد علی سیف نے کہا ہے کہ قائد تحریک جناب الطاف حسین نے ملک بھر کے حکمرانوں اور عوام کو طالبان اور داعش کی موجودگی کے بارے میں سب سے پہلے آگاہ کرکے ثابت کردیا ہے کہ جناب الطاف حسین ہی ملک و قوم کے نجات دہندہ ہیں اور نام نہاد پابندیوں کے باوجود ملک دشمن قوتوں کے آگے سیسہ پلائی دیوار کاکردار ادا کررہے ہیں ۔ ایک بیان میں انہوں نے کہاکہ ملک کے حکمرانوں ، سیاسی و مذہبی جماعتوں کے رہنماؤں کو چاہئے کہ وہ طالبان کے بعد داعش کی پاکستان میں موجودگی پر پردہ ڈالنے کے بجائے حقائق کو تسلیم کریں اور کھل کر اور سامنے آکر سنگین صورتحال کا سامنا کریں کیونکہ بزدلی ، چھپنے اور چادر اوڑھ لینے سے داعش کے دہشت گردوں سے نہ تو عوام بچ سکتے ہیں اور نہ ہی حکمرانوں کے محلات محفوظ رہیں گے ۔ انہوں نے کہاکہ داعش کی ملک میں کاروائیوں اور اعتراف کے بعد اب کوئی جواز نہیں رہتا کہ اسکی موجودگی سے انکار کیاجائے اور اب بھی جو سیاسی و مذہبی رہنما داعش کی موجودگی کے حوالے سے غلط فہمیاں پیدا کررہے ہیں وہ دراصل داعش سے اپنے تعلقات نبھا رہے ہیں اور ملک و قوم کو ناقابل تلافی حد تک نقصان پہنچا نے کا عمل کررہے ہیں جس کی جتنی بھی مذمت کی جائے کم ہے ۔ حق پرست سینیٹر اور صوبہ خیبرپختونخوا کے صدربیرسٹر محمد علی سیف نے وزیراعظم نوازشریف اور چیف آف آرمی اسٹاف جنرل راحیل شریف سے مطالبہ کیا کہ داعش کی ملک میں کاروائیوں اور اس کا اعتراف کرنے کے بعدمصلحت کی چادر کو اتار پھینکا جائے اور ملک میں جو عناصر داعش کو مدد اور تعاون فراہم کررہے ہیں ان کے خلاف سخت کارروائی کرکے داعش کا ملک بھر سے فی الفور خاتمہ کیاجائے ۔
Back to Conversion Tool