عوامی مسلم لیگی رہنما شیخ رشید کی جانب سے اسلام آباد میں داعش کی بڑھتی ہوئی سرگرمیوں کے اعترافی بیان نے قائد تحریک کی دوراندیشی اورانکی باتوں کو سچ ثابت کردیا ہے، انچارج شعبہ خواتین کشور زہرا

کراچی۔۔14 جنوری 2016 ء

متحدہ قومی موومنٹ کی شعبہ خواتین کی انچارج وحق پرست رکن قومی اسمبلی کشورزہرانے کہاکہ قائد تحریک جناب الطاف حسین کافی عرصے سے کہہ رہے ہیں کہ پاکستان میں داعش سر گرم ہے مگر قائد تحریک کی باتوں کو نظر انداز کیا گیااور آج مسلم لیگی رہنما شیخ رشید کی جانب سے اسلام آباد میں داعش کی بڑھتی ہوئی سرگرمیوں کے اعترافی بیان نے قائد تحریک دور اندیشی ،انکی باتوں کو سچ ثابت کر دیا ہے۔ایک بیان میں کشورزہرانے کہاکہ داعش کی بڑھتی ہوئی کھلے عام کاروائیوں کے اعلانیہ اعتراف کے بعد پاکستان میں داعش کے وجود سے انکار کرنے والوں کے چلو بھر پانی میں ڈوب کر مرجاناچاہیے ۔ انہوں نے کہاکہ سیاسی ،ومذہبی رہنماؤں نے بھی داعش کی کاروائیوں کو نہیں مانا بلکہ الٹا قائد تحریک جناب الطاف حسین کو ہی الزامات کا نشانہ بنایا، یہی نہیں بلکہ حقائق بیان کرنے کی پاداش میں قائد تحریک کے میڈیا بیانات و تصاویر تک پر پابندی عائد کر دی گئی جبکہ ملک کی سلامتی کی دشمن کالعدم جماعتوں اور گروہوں کی کھلم کھلاکرسرپرستی کی جاتی رہی ہے ۔انہوں نے کہاکہ ایم کیوایم جیسی محب وطن، لبرل ، سیکولر اور وشن خیال جماعت کے ساتھ ملکر پاکستان کے وجود کے اصل دشمنوں کے خلاف کاروائی کریں اور قائد تحریک کی بصیرت اور دوراندیشی اور سچائی کو ملک کے مفاد اور سلامتی کیلئے استعمال کریں۔ ا نہوں نے کہاکہ قائد تحریک کی بصیرت اور دوراندیشی پر انہیں خراج تحسین پیش کر تے ہیں ۔