آسکر ایواڈ کے لئے نامزد ہونے پر معروف ہدایتکار محترمہ شرمین عبید چنائے کو ایم کیوایم رابطہ کمیٹی کی مبارکباد
غیرت کے نام پر قتل سے متعلق ان کی دستاویزی فلم’’ A Girl in the River‘‘ بنا کر شرمین عبید چنائے نے معاشرے کی بدنما رسم کو اجاگر کیا ہے
کراچی۔۔ 14 جنوری2016 ء
متحدہ قومی موومنٹ کی رابطہ کمیٹی نے آسکر ایواڈ یافتہ معروف ہدایتکار شرمین عبید چنائے کو غیرت کے نام پرقتل سے متعلق ان کی دوسری دستاویزی فلم ’’A Girl in the River‘‘کو آسکرایواڈ کے لئے نامزدکرنے پردل کی گہرائیوں سے مبارکباد پیش کی ہے ۔ایک بیان میں رابطہ کمیٹی نے کہا کہ غیرت کے نام پرقتل کے واقعات ہمارے معاشرے پربدنما دھبہ ہیں جس کی آسکرایواڈ یافتہ معروف ہدایتکار شرمین عبید چنائے نے اپنی دوسری دستاویزی فلم میں جس طرح حقیقت کوفلم بند کیا ہے اور معاشرے کی بدنمائی کواجاگر کیاہے وہ قابل ستائش ہے جس پروہ اوران کی ٹیم کے ارکان مبارکبادکے مستحق ہیں۔رابطہ کمیٹی نے شرمین عبیدچنائے کوآسکرایوارڈکے لئے نامزدہونے پر ایک بارپھردل کی گہرائیوں سے مبارکبادپیش کی ہے اورامیدظاہرکی ہے کہ وہ آئندہ بھی اس طرح معاشرے میں پائی جانیوالی برائیوں کو اجاگر کرتی رہینگی جومعاشرے سے ایسی فرسودہ رسومات کے خاتمے کے لئے مددگارثابت ہونگی۔