سابق ڈپٹی کنوینر اور شعبہ اطلاعات کے ایڈیٹر انچیف انجینئر ناصر جمال کی والدہ محترمہ کا سوئم
سوئم کے اجتماع میں رابطہ کمیٹی کے سینئر ڈپٹی کنوینر عامر خان، ڈپٹی کنوینر کہف الوریٰ، اراکین رابطہ کمیٹی، سی ای سی انچارج و اراکین، حق پرست ارکان قومی و صوبائی اسمبلی، ذمہ داران، کارکنان اور ہمدردوں کی شرکت
کراچی ۔۔۔11، جنوری 2016ء
متحدہ قومی موومنٹ کی رابطہ کمیٹی کے سابق ڈپٹی کنوینر اور شعبہ اطلاعات کے ایڈیٹر انچیف انجینئر ناصر جمال کی والدہ محترمہ کا سوئم آج ان کی رہائشگاہ واقع نارتھ کراچی میں ہوا جس میں مرحومہ کی روح کے ایصال ثواب کیلئے قرآن خوانی وفاتحہ خوانی کی گئی ۔ سوئم کے اجتماع میں ایم کیوایم کی رابطہ کمیٹی کے سینئر ڈپٹی کنوینر عامر خان، ڈپٹی کنوینر کہف الوریٰ، رابطہ کمیٹی کے اراکین شبیر قائم خانی ، امین الحق، محترمہ ذرین مجید ،مرکزی رہنما حیدر عباس رضوی ، ایم کیوایم سینٹرل ایگزیکٹو کونسل کے انچارج فرقان اطیب ، اراکین ، حق پرست اراکین قومی وصوبائی اسمبلی ، ایم کیوایم نارتھ کراچی سیکٹر کمیٹی کے ارکان ، یونٹوں کے ذمہ داران ، کارکنان ، ہمدردوں اور مرحومہ کے عزیز واقارب نے شرکت کی۔