ایم کیو ایم کے قائد جناب الطاف حسین کی سابق ڈپٹی کنوینر اور سینئر کارکن ناصر جمال سے ان کی والدہ کے انتقال پر تعزیت
آپ کی والدہ کے انتقال پر مجھے اور تحریک کے تمام رہنماؤں، ذمہ داروں و کارکنوں کو دلی صدمہ پہنچا ہے
جناب الطاف حسین نے ناصر جمال کی والدہ کی مغفرت کے لئے قرآنی آیات کی تلاوت کی
لندن۔۔ 8جنوری2016ء
متحدہ قومی موومنٹ کے قائد جناب الطاف حسین نے جمعہ کی شب پارٹی کے سابق ڈپٹی کنوینر اور سینئر کارکن ناصر جمال سے ان کی والدہ کے انتقال پر تعزیت کی۔ جناب الطاف حسین نے ناصر جمال سے گفتگو کرتے ہوئے کہا کہ آپ کی والدہ کے انتقال پر مجھے اور تحریک کے تمام رہنماؤں ، ذمہ داروں و کارکنوں کو دلی صدمہ پہنچا ہے اور ہم سب آپ کے غم میں برابر کے شریک ہیں۔ اس موقع پر جناب الطاف حسین نے انتہائی خوش الحانی کے ساتھ ناصر جمال کی والدہ کی مغفرت کے لئے قرآنی آیات کی تلاوت کی اور دعا کی کہ اللہ تعالیٰ مرحومہ کی مغفرت فرمائے اور ان کے صغیرہ کبیرہ گناہ معاف فرمائے۔ اس موقع پر ناصر جمال شدت جذبات پر قابو نہ رکھ سکے اور روپڑے۔ انہوں نے فون کرنے پر قائد تحریک کا شکریہ بھی ادا کیا۔