متحدہ قومی موومنٹ کے شعبہ خواتین کے زیر اہتمام جمعہ کی شام لال قلعہ گراؤنڈ میں خواتین کانفرنس کا انعقاد کیا جائے گا
تقریب میں رابطہ کمیٹی، سی ای سی، تنظیمی شعبہ جات سمیت مختلف شعبہ ہائے زندگی سے کامیاب خواتین شرکت کریں گی
کراچی ۔۔۔7جنوری2015ء
متحدہ قومی موومنٹ کے شعبہ خواتین کے زیر اہتمام خواتین کانفرنس کا انعقاد کیا جائے گا۔ اس سلسلے میں جمعہ کی شام لال قلعہ گراؤنڈ عزیزآباد میں تقریب منعقد کی جائے گی،تقریب میں ایم کیو ایم کی رابطہ کمیٹی، سینٹرل ایگزیکٹو کونسل اور تنظیمی شعبہ جات کے اراکین کے ہمراہ مختلف شعبہ ہائے زندگی سے تعلق رکھنے والی کامیاب خواتین شرکت کریں گی۔ کانفرنس میں ہمارے معاشرے میں خواتین کے ساتھ رواں رکھے جانے والے رویے، خواتین کے بنیادی حقوق اور ملک کے مختلف حصوں میں انکے خلاف کاروکاری ، ونی جیسی غیر انسانی رسموں اور مشرق وسطیٰ کی موجودہ صورتحال سمیت مختلف امور سے متعلق تفصیلی تبادلہ خیال کیا جائے گا اور اس سلسلے میں ماہرین اپنی تجاویز پیش کریں گے۔