جناب الطاف حسین خود بھی خصوصی افراد سے بے انتہاء محبت کرتے ہیں اور کارکنان کو بھی خصوصی افراد کے احترام کی تلقین کرتے ہیں، حق پرست ارکان اسمبلی کشور زہرہ، نائلہ لطیف
سوک سینٹر کنونشن ہال میں نابینہ افراد کیلئے منعقدہ مقابلہ نعت خوانی کے پروگرام میں گفتگو
نمایاں کارکردگی دکھانے والے نعت خواں کیلئے جناب الطاف حسین کی جانب سے عمرے کے ٹکٹ کا اعلان کیا
کراچی ۔۔۔7جنوری2015ء
متحد ہ قومی موومنٹ کی حق پرست اراکین اسمبلی کشور زہرہ اور نائلہ لطیف نے کہاہے کہ جناب الطاف حسین خصوصی افراد سے بے انتہاء محبت کرتے ہیں اور اپنے ذمہ داران و کارکنان کو بھی خصوصی افراد سے محبت اور انکے احترام کی تلقین کرتے ہیں۔ ان خیالات کا اظہار انہوں نے جمعرات کی شام سوک سینٹر کنونشن ہال میں پاکستان ہیلپ لائن اور انجمن ویلفےئر آرگنائزیشن برائے نابینا افراد کے زیر اہتمام نابینہ افراد کیلئے منعقدہ مقابلہ نعت خوانی کے پروگرام میں گفتگو کرتے ہوئے کیا۔ اس موقع پر اراکین اسمبلی نے مقابلہ میں نمایاں کارکردگی حاصل کرنے والے نعت خواں کیلئے جناب الطاف حسین کی جانب سے عمرے کے ٹکٹ کا اعلان کیا جس پر خصوصی افرادکی انجمن کے عہدیداران اور شرکاء نے جناب الطاف حسین کے حق میں نعرے بلند کئے اور حق پرست ارکان اسمبلی کا شکریہ اداکیا۔