وفاقی اردو یو نیور سٹی کے وائس چانسلر کو نقل مافیا کی جانب سے دھمکیاں دیئے جانے پراے پی ایم ایس او شدید اظہار مذمت
ماضی کی طرح اس سال بھی نقل مافیا وفاقی اردو یونیورسٹی میں سرگرم پایا جاتا ہے،چیئرمین اے پی ایم ایس او سرفراز احمد صدیقی
مافیا کے تعلیم دشمن عناصر کے خلاف بھر پور کروائی عمل میں لائی جائے ، سرفراز احمد صدیقی
کراچی :6، جنوری 2016ء
آل پاکستان متحدہ اسٹوڈنٹس آرگنائزیشن کے چیئرمین سرفراز احمد صدیقی اور مرکزی کابینہ نے وفاقی اردو یونیورسٹی کے وائس چانسلر سلمان ڈی محمد کو نقل مافیا کی جانب سے موصول ہونے والی دھمکیوں کی شدید الفاظ میں مذمت کی ہے ۔اپنے مشترکہ مذمتی بیان میں انہوں نے کہا کہ ماضی کی طرح اس سال بھی نقل مافیا وفاقی اردو یونیورسٹی میں سرگرم پایا جاتا ہے۔ انہوں نے کہاکہ وفاقی اردو یونیورسٹی کے تحت ہونے والے سالانہ امتحانات کے سلسلے میں موجودہ وائس چانسلر کو نقل مافیا اور ان کی پشت پناہی کرنے والے عناصر کی جانب سے دی جانے والی دھمکیوں پر اے پی ایم ایس او شدید احتجاج کرتی ہے ۔انہوں نے کہاکہ اے پی ایم ایس او نقل مافیا کی روک تھام کیلئے سالہ سال سے سرگرم ہے لہٰذا وفاقی اردو یونیورسٹی میں نقل مافیا کی روک تھام کیلئے ہرممکن مثبت اقدامات بروئے کار لائے جائیں ۔انہوں نے گورنرسندھ، وزیراعلیٰ سندھ اور وزیر تعلیم سندھ سے پرزور اپیل کی کہ نقل مافیا کے تعلیم دشمن عناصر کے خلاف بھر پور کروائی عمل میں لائی جائے تاکہ ایک وفاقی ادارے کے تشخص کو پامال ہونے سے بچایا جاسکے