ڈسٹرکٹ ساؤتھ میں نومنتخب چئر مین ، وائس چئر مین اور جنرل کونسلر کی وفاداریاں زبردستی تبدیل کرنے کیلئے پیپلز پارٹی کی جانب سے پولیس کا استعمال قابل مذمت ہے،ایم کیوا یم رابطہ کمیٹی

کراچی ۔۔۔3جنوری2015ء

متحدہ قومی موومنٹ کی رابطہ کمیٹی نے ڈسٹرکٹ ساؤتھ میں نومنتخب چئرمین ، وائس چئر مین اور جنرل کونسلرز کی وفاداریاں تبدیل کرنے کیلئے پیپلز پارٹی کی جانب سے کھلے عام پولیس کے استعمال کی سخت الفاظ میں مذمت کی ہے ۔ایک مذمتی بیان میں رابطہ کمیٹی نے کہاکہ بلدیاتی انتخابات میں حق پرست نمائندوں سے شکست فاش کے بعد پیپلز پارٹی کی قیادت شدید پریشانی اور انتشار کا شکار ہے اور اوچھے ہتھکنڈوں پر اُتر آئی ہے ۔انہوں نے کہاکہ پیپلز پارٹی کی جانب سے بد نام زمانہ ایس ایچ اوکلری ارشد خان کو اپنے مذموم مقاصد کیلئے استعمال کیا جارہاہے جو اس سے قبل بھی لیاری گینگ وار اور جرائم پیشہ افراد کی سرپرستی کرتا رہاہے۔رابطہ کمیٹی نے چیف الیکشن کمشنر سندھ سے مطالبہ کیا ہے کہ وہ ڈسٹرکٹ ساؤتھ میں پیپلز پارٹی کی جانب سے نومنتخب چےئر مین ، وائس چےئر مین اور کونسلر کو حراساں کر نے کے اقدامات کا نوٹس لیکر ملوث عناصر کے خلا ف فوری کارروائی عمل میں لائیں اور جمہوریت کی روح پامال کرنے کے ناپاک عزائم کو ناکام بنائیں۔