دنیا کی تیزی سے بدلتی صورتحال کے پیش نظر ایم کیوایم کے زیراہتمام پیر کی شام لال قلعہ گراؤنڈ میں اتحاد بین المسلمین کے عنوان سے علماء کرام، مشائخ عظام و جید مفکرین کا اہم اجلاس منعقد کیا جائے گا

کراچی ۔۔۔3جنوری2015ء

متحدہ قومی موومنٹ کے زیر اہتمام عالمی تناظر میں دنیا بھر بالخصوص خلیجی ممالک کی تیزی سے بدلتی ہوئی صورتحال اور پاکستان پر اس کے ممکنہ اثرات کے حوالے سے اتحاد بین المسلمین کی اہمیت کو مد نظر رکھتے ہوئے ایم کیوا یم کے قائد جناب الطاف حسین کی فوری ہدایت پر پیر کی شام لال قلعہ گراؤنڈ عزیزآباد میں ملک بھر کے مختلف عقائد ، مسالک اور فقہوں سے تعلق رکھنے والے جید علماء کرام ، مشائخ عظام اور مذہبی اسکالرز کا اہم اجلاس منعقد کیا جائے گا۔اجلاس سے جناب الطاف حسین ٹیلی فونک خطاب کریں گے جس میں دنیا کی موجودہ صورتحال کی روشنی میں ملک میں مذہبی ہم آہنگی اور اتحاد و یگانگت کے قیام اور افراتفری کے خاتمے کے حوالے سے اہم نکات پر روشنی ڈالیں گے۔ اجلاس کے سلسلے میں فوری طور پر ایم کیوایم کی رابطہ کمیٹی،سی ای سی اور علماء کمیٹی کے ذمہ داران نے مختلف مکاتب فکر کے علماء کرام سے رابطوں کا سلسلہ شروع کردیاہے۔