امریکہ اور کینیڈا کی مختلف ریاستوں سے تعلق رکھنے والے سول سوسائٹی کے نمائندہ وفد کی خورشید بیگم سیکریٹریٹ عزیز آباد میں رابطہ کمیٹی کے ڈپٹی کنوینر سید شاہد پاشا سے ملاقات
وفد نے بلدیاتی انتخابات میں حق پرست امیدواران کی زبردست کامیابیوں پر مبارکباد پیش کی
ملاقات میں بیرون ملک مقیم پاکستانیوں کے مسائل پر بھی تبادلہ خیال کیا گیا
کراچی ۔۔۔31، دسمبر2015ء
امریکہ اور کینیڈا کی مختلف ریاستوں سے تعلق رکھنے والے سول سوسائٹی کے نمائندہ وفد نے خورشید بیگم سیکریٹریٹ عزیز آباد میں ایم کیوایم کی رابطہ کمیٹی کے ڈپٹی کنوینر سید شاہد پاشا سے ملاقات کی اور بیرون ملک مقیم پاکستانیوں کے مسائل پر تبادلہ خیال کیا ۔ اس موقع پر ایم کیوایم کی رابطہ کمیٹی کی رکن محترمہ ذرین مجید اور نامزد نومنتخب میئر کراچی وسیم اختر بھی موجود تھے ۔ وفد نے ملک کی مجموعی سیاسی ، سماجی ، معاشی صورتحال پر گفتگو کی اور اس ضمن میں اپنے ہرممکن تعاون کی یقین دہائی کرائی ۔ امریکہ اور کینیڈا کی مختلف ریاستوں سے تعلق رکھنے والے سول سوسائٹی کے وفد کے ارکان نے بلدیاتی انتخابات 2015ء میں حق پرست امیدواروں کی زبردست کامیابیوں کو خوش آئند قرا ردیا اور وسیم اختر اور ارشد وہرا کو شہر کراچی کا میئر اور ڈپٹی میئر نامزد ہونے پر دلی مبارکباد بھی پیش کی ۔