عوام نے ایم کیوایم پر جس طرح اپنے بھرپور اعتماد کا اظہارکیا ہے اس کی کوئی مثال نہیں ملتی۔الطاف حسین

لندن ۔۔۔ 30 دسمبر2015ء

متحدہ قومی موومنٹ کے قائدجناب الطاف حسین نے آج بلدیاتی انتخابات کے موقع پر ٹنڈوالہ یار، ٹنڈوجام، نوابشاہ اورکراچی کے ضلع شرقی کے علاقے پی آئی بی کالونی میں ایم کیوایم کے انتخابی کیمپوں پر فون کرکے وہاں انتخابی سرگرمیوں میں مصروف ایم کیوایم کے ذمہ داروں اورکارکنوں سے گفتگوکی ۔جناب الطاف حسین نے کہاکہ بلدیاتی انتخابات کے پہلے ، دوسر ے اور تیسرے مرحلے میں کراچی ، حیدرآباد، میرپورخاص اور سکھر کے عوام نے ایم کیوایم پر جس طرح اپنے بھرپوراعتمادکااظہارکیااورایم کیوایم کے امیدواروں کوجس طرح بھاری اکثریت سے کامیاب کرایاہے اس کی کوئی مثال نہیں ملتی اوراب ٹنڈوالہ یار، ٹنڈوجام، نوابشاہ اورکراچی میں پی آئی بی کالونی میں بقیہ نشستوں پر ہونے والے انتخابات میں بھی انشاء اللہ ایم کیوایم کے نمائندوں کوبھار ی اکثریت سے کامیاب بنا کرعوام ایک بارپھرایم کیوایم پر اپنے بھرپوراعتماد کااظہارکریں گے۔ جناب الطاف حسین نے انتخابی سرگرمیوں میں بھرپورطریقے سے حصہ لینے اورایم کیوایم کی کامیابی کے لئے سخت محنت اورجانفشانی سے کام کرنے پر متعلقہ زونوں کے کارکنوں، ذمہ داروں، خواتین ، بزرگوں، حق پرست ارکان اسمبلی، سندھ تنظیمی کمیٹی،دیگرشعبہ جات اوراراکین رابطہ کمیٹی کوزبردست خراج تحسین پیش کیا۔