شہر بھر میں نکلنے والے عاشقان مصطفے ﷺ کے مرکزی جلوسوں میں ایم کیوایم کی رابطہ کمیٹی کے اراکین ، حق پرست اراکین اسمبلی کی شرکت

کراچی ۔۔۔24، دسمبر2015ء 

جشن عید میلا د النبی ﷺ کے سلسلے میں شہر بھر میں نکلنے والے عاشقان مصطفے ﷺ کے مرکزی جلوسوں میں ایم کیوایم کی رابطہ کمیٹی کے اراکین عارف خان ایڈوکیٹ، عادل خان،محمد حسین، عبدالقادرخانزادہ،نامزدمیئرکراچی وسیم اختر،ڈپٹی میئر ارشدوہرہ، حق پرست اراکین اسمبلی مزمل قریشی، ریحان ہاشمی،محمد دلاور ، عبد اللہ ، انور ضا ،سی ای سی کے رکن علی ، متحدہ علماء کمیٹی کے انچارج جاوید احمد و ارکین نے شرکت کی ۔اس مو قع پر برنس روڈ سیکٹر ،رنچھوڑلائن، لائنز ایریاسیکٹرز ویونٹس کے ذمہ داران ،کارکنان حق پرست نومنتخب چیئرمین ،وائس چیئر مین ،کونسلرز ، ایلڈرونگ ، لیبرڈویژن ، میڈیکل ایڈ کے ذمہ داران بھی موجود تھے۔اس موقع پرشہربھر میں نکلنے والے جلوسوں کی گزرگاہوں پرخدمت خلق فاؤنڈیشن کی جانب سے استقبالیہ کیمپ قائم کئے گئے تھے جہاں پر جلوسوں کے شرکاء کا استقبال کیا جاتا رہا اور ان میں شربت ، ٹھنڈا پانی اور لنگر تقسیم کیاگیا۔جماعت اہلنست کے امیر شاہ تراب الحق ، دعوت کے اسلامی ، سنی تحریک ، نظام مصفطےٰ گروپ کے حاجی حنیف طیب اور دیگر تنظیموں کی جانب سے ایم کیوایم جانب سے کئے جانے والے انتظامات پر خراج تحسین پیش کیا ور قائد تحریک الطاف حسین کے لئے دعائیں کیں۔