بلدیاتی انتخابات 2015ء میں ڈسٹرکٹ چترال سے نومنتخب حق پرست جنرل کونسلر محترمہ گلشان بی بی انتقال کرگئیں
محترمہ گلشان بی بی کے انتقال پر ایم کیوایم رابطہ کمیٹی کااظہار تعزیت
کراچی ۔۔۔23، دسمبر2015ء
بلدیاتی انتخابات 2015ء میں ڈسٹرکٹ چترال سے نومنتخب حق پرست جنرل کونسلر محترمہ گلشان بی بی گزشتہ روز انتقال کرگئیں ۔ مرحومہ کی عمر 40سال تھی اور وہ شادی شدہ تھی ۔ مرحومہ نے اپنے پسماندگان میں شوہر سمیت 5بچے چھوڑے ہیں ۔
دریں اثناء متحدہ قومی موومنٹ کی رابطہ کمیٹی نے چترال سے نومنتخب حق پرست جنرل کونسلر محترمہ گلشان بی بی کے انتقال پر گہرے دکھ اور افسوس کا اظہار کیا ہے ۔ ایک تعزیتی بیان میں رابطہ کمیٹی نے مرحومہ کے سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی ۔ رابطہ کمیٹی نے دعا کی کہ اللہ تعالیٰ مرحومہ کو جواررحمت اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)