ایم کیوایم اپنے شہداء کی قربانیوں کوکسی قیمت پررائیگاں نہیں جانے دیگی،عارف خان ایڈووکیٹ

کراچی:۔ ۔۔21 دسمبر 2015ء

ایم کیوایم کی رابطہ کمیٹی کے رکن عارف خان ایڈووکیٹ نے کہاہے کہ ایم کیوایم اپنے شہداء کی قربانیوں کوکسی قیمتی پررائیگان نہیں جانے دیگی ،تحریک کے لئے محسن رضانقوی شہیدکی قربانی کوہمیشہ یاد رکھاجائیگا۔ان خیالات کااظہارانہوں نے ناظم آبادگلبہارمیں ایم کیوایم کے شہیدکارکن ’’محسن رضانقوی شہید‘‘کے نام سے پارک کاافتتاح کے موقع پرشہید کے اہل خانہ سے اظہار یکجہتی کرتے ہوئے گفتگوکے دوران کیا۔اس سلسلے میں ایم کیو ایم ناظم آبادگلبہارسیکٹرکی جانب سے چھوٹی سی تقریب منعقدکی گئی جس میں ایم کیوایم کی رابطہ کمیٹی کے رکن عارف خان ایڈووکیٹ ، حق پرست اراکین قومی وصوبائی اسمبلی سفیان یوسف ،ریحان ظفر اورمحسن رضانقوی شہیدکے سوگواراہل خانہ سمیت علاقہ مکینوں بھی نے کثیرتعدادمیں شرکت کی۔اس موقع پرشہیدمحسن رضانقوی کوزبردست خراج عقیدت وسلام عقیدت پیش کیاگیااورشہیدکے اہل خانہ سے مکمل یکجہتی کاظہارکیاگیا۔بعدازاں انہوں نے محسن رضانقوی شہیدسمیت تمام حق پرست شہداء کے بلنددرجات ،سوگوارلواحقین کے صبرجمیل اورقائدتحریک الطاف حسین کی درازی عمراورصحت وتندرستی کے لئے خصوصی دعائیں کی گئیں۔