کمال احمد رضوی کے انتقال سے پاکستان ایک عظیم فنکار سے محروم ہوگیا ہے۔ الطاف حسین

لندن ۔۔۔ 17 دسمبر2015ء

متحدہ قومی موومنٹ کے قائدجناب الطاف حسین نے پاکستان کے ممتازفنکار، ڈرامہ نگاراورصداکارکمال احمدرضوی کے انتقال پر دلی تعزیت اور افسوس کا اظہار کیاہے ۔اپنے بیان میں جناب الطاف حسین نے کہاکہ کمال احمدرضوی کاشمار پاکستان کے سینئر فنکاروں، ڈرامہ نگاروں اور صداکاروں میں ہوتا تھا۔ ان کے انتقال سے پاکستان ایک عظیم فنکار سے محروم ہوگیاہے۔کمال احمدرضوی اپنے فن کی بدولت اپنے چاہنے والوں کے دلوں میں زندہ رہیں گے۔ جناب الطاف حسین نے دعاکی کہ اللہ تعالیٰ کمال احمدرضوی مرحوم کی مغفرت فرمائے ، ان کوجنت الفردوس میں جگہ دے اورلواحقین کوصبرجمیل عطافرمائے۔