سابق سفیر، صحافی اور ’’جناح اور پاکستان‘‘ سمیت 20 سے زائد کتابوں کے مصنف قطب الدین عزیز کے انتقال پر جناب الطاف حسین کا گہرے دکھ اور افسوس کا اظہار

لندن۔۔۔12دسمبر2015ء

متحدہ قومی موومنٹ کے قائد جناب الطاف حسین نے سابق سفیر ، صحافی اور جناح اور پاکستان سمیت 20سے زائد کتابوں کے مصنف قطب الدین عزیز کے انتقال پر گہرے دکھ اور افسوس کا اظہار کرتے ہوئے سوگواران اور انکے عزیز و اقارب سے دلی ہمدردی کا اظہار کیا ہے۔ایک بیان میں جناب الطا ف حسین نے کہاکہ قطب الدین عزیز صرف فرد نہیں بلکہ ایک پوری جامعہ کا درجہ رکھتے تھے جنہوں نے صحافت اور ادب کی دنیا کی بے پنہا خدمت سر انجام دی اور اپنی تحریروں کے ذریعے لوگوں کے اذہان کو مختلف موضوعات کے متعلق غور و فکر پر مجبور کیا۔جناب الطاف حسین نے دعا کی کہ اللہ تعالیٰ قطب الدین مرحوم کو اپنی جوا ر رحمت میں جگہ عطافرمائے ، انکے درجات بلند کرکے اور سوگواران کو یہ صدمہ برداشت کرنے کی ہمت عطافرمائے۔