ایم کیوایم رابطہ کمیٹی کے ڈپٹی کنوینر کہف الوریٰ نے عباسی شہید اسپتال جاکر بلدیاتی الیکشن کے موقع پر لانڈھی میں حقیقی دہشت گردوں کے تشدد سے زخمی ہونے والے کارکنان کی عیادت کی

کراچی ۔۔۔6، دسمبر2015ء 

متحدہ قومی موومنٹ کی رابطہ کمیٹی کے ڈپٹی کنوینر کیف الوریٰ نے گزشتہ روز عباسی شہید اسپتال کا دورہ کیا اور بلدیاتی انتخابات کے موقع پر لانڈھی میں حقیقی دہشت گردوں کے تشدد سے زخمی ہونے والے کارکنان کی عیادت کی ۔ اس موقع پر ایم کیوایم میڈیکل ایڈ کمیٹی کے انچارج فاروق جمیل بھی ان کے ہمراہ تھے ۔ کیف الوریٰ نے زخمی کارکنان سے فرداً فرداً جاکر ملاقات کی اور ان کے بلند حوصلے ، ہمت اور جذبے کو سراہایا ۔ انہوں نے ڈاکٹروں اور اسپتال کے عملے کو ہدایت کی کہ زخمی کارکنان کے علاج ومعالجہ میں کوئی کسر باقی نہ چھوڑی جائے ۔ اس موقع پر انہوں نے زخمیوں کی جلد ومکمل صحت یابی کیلئے دعا بھی کی ۔