ایم کیوایم لائنزایریاسیکٹر کے کارکن ندیم احمد کوحراست کے دوران ماورائے عدالت قتل کردیاگیا

کراچی ۔۔۔ 4 دسمبر 2015ء

کراچی میں ایم کیوایم کے ایک اورکارکن کوحراست کے دوران ماورائے عدالت قتل کردیاگیا۔ تفصیلات کے مطابق ایم کیوایم لائنرایریاسیکٹریونٹ 52کے کارکن ندیم احمد ولدامیر دولہ کو21نومبرکورینجرزنے ان کے گھر سے گرفتارکیاتھا۔ چارروزتک حراست میں رکھنے کے بعد25نومبرکوندیم احمدکورینجرزنے پولیس کے حوالے کیا۔ اگلے ہی روز26نومبر کوندیم احمدکو سینٹرل جیل منتقل کردیاگیا۔ ندیم احمدکے اہل خانہ نے ان کی رہائی کیلئے عدالت سے رجوع کیا اور عدالت نے ان کی ضمانت پر رہائی کے احکامات جاری کئے ۔آج ندیم احمدکی ضمانت پر ر ہائی ہونی تھی لیکن آج جیل سے انہیں مردہ حالت میں سول اسپتال لایا گیا ۔ سرکاری حراست میں ایم کیوایم کے کارکن ندیم احمد کے قتل پر ان کے اہل خانہ شدیدصدمہ سے نڈھال ہیں۔ واقعہ کی اطلاع ملتے ہی ایم کیوایم کی رابطہ کمیٹی، ارکان اسمبلی اوردیگرتنظیمی داران ندیم احمدکے گھرپہنچ گئے اوران کے اہل خانہ کودلاسہ دیا۔ ندیم احمدشہید کی عمر43سال ہے اوروہ یونٹ 52 لائنزایریاسیکٹرکے کارکن تھے۔ ندیم احمدشادی شدہ تھے اورجس روز انہیں گرفتار کیا گیااسی روزان کے ہاں بیٹی کی ولادت ہوئی تھی۔ان کے پسماندگان میں بیوہ اورچاربچے شامل ہیں۔