لائنزایریاکے کارکنوں اورعوام نے جس جرات وبہادری کامظاہرہ کیاہے اس پر پوری پارٹی اورپوراپاکستان انہیں سیلوٹ پیش کرتاہے۔ الطاف حسین

لندن۔۔۔30، نومبر2015ء

متحدہ قومی موومنٹ کے قائد جناب الطاف حسین نے پیرکی شب بلدیاتی انتخابات کے سلسلے میں لائنزایریاکے واٹرگراؤنڈمیں جلسہ سے خطاب کرتے ہوئے لائنزایریاکے عوام اورکارکنوں کو ان کی قربانیوں پرانہیں شاندارالفاظ میں سیلوٹ پیش کیا۔ انہوں نے کہاکہ لائنزایریاغریبوں کاایسا علاقہ ہے جس نے انتہائی مشکل اورکڑے سے کڑے حالات میں نہ صرف ایم کیوایم کاساتھ دیابلکہ لائنزایریاکے بہت سے ساتھی شہیدہوئے ،بہت سے معذوراوراسیرہوئے اور بہت سے جلاوطن ہوئے ۔ انہوں نے دعا کی کہ اللہ تعالیٰ شہیدوں کی مغفرت فرمائے اوران کے لواحقین کوصبرجمیل عطاکرے۔ انہوں نے کہاکہ تمام ترمظالم اورمشکل حالات کے باوجودلائنزایریاکے عوام وکارکنان،ماؤں بہنوں، بزرگوں اوریوتھ نے جتنی بہادر ی اورجرات وہمت کا مظاہرہ کیااورجس طرح ایم کیوایم کا ساتھ دیااتناساتھ کسی نے نہیں دیا۔آج بھی اتنے کڑے حالات کے باوجود اتنی بڑی تعدادمیں جلسہ میں شرکت کرنے اور حالات کاڈٹ کرمقابلہ کرنے پرصرف میں ہی نہیں بلکہ پوری رابطہ کمیٹی، تحریک کے تمام شعبہ جات ، پوراپاکستان اورتمام اوورسیز کے یونٹوں کاایک ایک فرد لائنزایریاکے عوام کو سیلوٹ پیش کرتاہے ۔ جناب الطاف حسین نے کہاکہ چھاپوں،گرفتاریوں کے باعث لائنزایریاسے تعلق رکھنے والے ایم کیوایم کے کارکنان اپنے گھروں پر نہیں سوپارہے ہیں لیکن اس کے باوجودوہ جس طرح جرات وبہادری کے ساتھ تحریک کاکام کررہے ہیں اس پر میں انہیں سیلوٹ پیش کرتاہوں۔ جناب الطاف حسین نے آج گرفتاری کے بعدرہائی پانے والے ساتھیوں اوردیگراسیروں کوبھی ان کی ثابت قدمی پرزبردست خراج تحسین پیش کیا۔