ایم کیوایم قائد جناب الطاف حسین ہفتہ کی شب 8 بجے کراچی کے پانچ مختلف مقامات پر بیک وقت ٹیلی فونک خطاب کریں گے

کراچی۔۔۔27نومبر2015ء

بلدیاتی انتخابات 2015ء کے حوالے سے شہر بھر میں ایم کیوا یم کی بھر پور عوامی رابطہ مہم کا سلسلہ جاری ہے ۔اس سلسلے میں رابطہ کمیٹی کے سینئر ڈپٹی کنوینر عامر خان سمیت دیگر ڈپٹی کنوینررز، اراکین ، سینٹرل ایگزیکٹوکونسل کے اراکین اور حق پرست عوامی نمائندے عوام کے گلی محلوں ، دکانوں اور چوک چوراہوں پر جاکر عوام کے مسائل دریافت کر رہے ہیں اور انہیں ایم کیو ایم کے نامزد امیدواران کو کامیاب کرانے کی درخواست کر رہے ہیں۔اس سلسلے میں ایم کیوا یم کی جانب سے ہفتہ 28نومبرکی شام کراچی کے علاقے حیدری مارکیٹ پارکنگ ایریانارتھ ناظم آباد،بالمقابل بیت المکرم مسجد ،قطب منگل بازار گراؤنڈ ، گلشن اقبال، آفتاب گراؤنڈ ،سیکٹر 11-Eاورنگی ٹاؤن،کورنگی نمبر ساڑھے تین گراؤنڈ،لکھ پتی چوک رنچھوڑ لائن میں شب 8بجے بیک وقت اجتماعات انعقاد کیاجائے گا ۔اس موقع پر قائد تحریک جناب الطاف حسین پانچوں مقامات پر عوامی اجتماعات کے ہزاروں شرکاء سے بیک وقت ٹیلی فونک خطاب کریں گے۔ کارنر میٹنگز میں طالب علموں ، ڈاکٹرز، انجینئرز،وکلاء ،نوجوانوں ، خواتین ،بزرگوں ، بچے بچیوں سمیت عوام کی بڑی تعداد شرکت کرے گی ۔ایم کیوا یم کی رابطہ کمیٹی نے شہر بھر کے عوام سے اپیل کی ہے کہ وہ اپنے اپنے علاقوں میں ہونیوالے عوامی اجتماعات میں شرکت کرکے حق پرستی کا ثبوت دیں۔