بلدیاتی الیکشن میں نارتھ ناظم آباد یوسی 17سے حق پرست پینل کی جانب سے چیئرمین کیلئے نامزد امیدوار ہارون احمد قریشی ،سرجانی سیکٹر یونٹ منگھوپیر یونٹ کے کارکن رضی الدین اور اورنگی سیکٹر یونٹ 118-Cکے کارکن نسیم خان کی رینجرز کے ہاتھوں غیرقانونی گرفتاری پر رابطہ کمیٹی کااظہار مذمت

کر اچی ۔۔۔6نو مبر 2015ء 

متحدہ قومی موومنٹ کی رابطہ کمیٹی نے رینجرز اہلکاروں کے ہاتھوں بلدیاتی الیکشن میں نارتھ ناظم آباد یوسی 17سے حق پرست پینل کی جانب سے چیئرمین کیلئے نامزد امیدوار ہارون احمد قریشی والد انوار احمد قریشی اور منگھوپیریونٹ سرجانی سیکٹر کے کارکن رضی الدین کی سادہ لباس اہلکاروں جبکہ پولیس کے ہاتھوںیونٹ118-C اورنگی ٹاؤن سیکٹر کے سرکل انچارج نسیم خان کی غیرقانونی گرفتاری کی سخت ترین الفاظ میں مذمت کی ہے اورکہا ہے کہ رینجرز ، پولیس اور سادہ لباس اہلکاروں کی جانب سے ہاوران احمد قریشی ، رضی الدین اور نسیم خان کی گرفتاری بلدیاتی الیکشن کے ضابطہ اخلاق کی سنگین خلاف ہے ۔ایک بیان میں رابطہ کمیٹی نے کہاکہ رینجرز اور دیگر قانون نافذ کرنے والے اداروں نے کراچی آپریشن کی آڑ میں گھروں پر سوئے ہوئے ایم کیوا یم کے بے گناہ کارکنان کی گرفتاریوں کوتو روز کا معمول بنا ہی لیا ہے اور اب رینجرز ، پولیس اور سادہ لباس اہلکاروں کی جانب سے ایم کیوا یم کے کارکنان کی گرفتاری سے واضح ہوگیا ہے کہ کراچی آپریشن یکطرفہ ہے اور اس آپریشن کی آڑ میں صرف ایم کیوایم کو ہی نشانہ بنایاجارہا ہے ۔ رابطہ کمیٹی نے کہاکہ بلدیاتی انتخابات نزدیک ہیں اور رینجرز اہلکاروں اور قانون نافذ کرنے والے اہلکاروں کی جانب سے نامزد امیدواروں اور ایم کیو ایم کے کارکنان کی کی گرفتاریوں سے عوام میں تشویش پائی جارہی ہے ۔ رابطہ کمیٹی نے وزیراعظم نواز شریف ،و فاقی وزیر داخلہ چوہدری نثار علی خان ، وزیراعلیٰ سندھ قائم علی شاہ اور شکایات ازالہ کمیٹی کے اراکین سے مطالبہ کیا کہ بلدیاتی الیکشن میں چیئرمین کیلئے نامزد حق پرست امیدوار ہارون احمد قریشی، رضی الدین اورنسیم خان کی رینجرز، سادہ لباس اہلکاروں اور پولیس کے ہاتھوں غیرقانونی گرفتاری کا نوٹس لیاجاے ، انہیں فی الفور رہاکیاجائے اور رینجرز اہلکاروں اور دیگر قانون نافذ کرنے والے اداروں کو کراچی آپریشن کی آڑ میں ایم کیوایم کے خلاف بلاجواز کارروائی سے باز رکھاجائے ۔