ایم کیو ایم رابطہ کمیٹی کے رکن عبد الحسیب کی وفد کے ہمراہ شیعہ آئمہ مساجد امامیہ پاکستان کے سربراہ عون محمد نقوی سے انکی رہائشگاہ پر ملاقات

کراچی۔۔۔21اپریل2015ء

ایم کیو ایم کی رابطہ کمیٹی کے رکن عبد الحسیب نے کہا ہے کہ جناب الطا ف حسین نے ہمیشہ اپنے عوامی نمائندگان کو عوام کی بلا امتیاز خدمت کا درس دیا ہے اور یہی وجہ ہے کہ کراچی سمیت سندھ کے شہری علاقو ں میں بسنے والے عوام گزشتہ30سالوں سے ایم کیو ایم کو انتخابات میں منتخب کرتے آ رہے ہیں ۔ ان خیالا ت کا اظہار انہوں نے وفدکے ہمراہ شیعہ آئمہ مساجد امامیہ کے سربراہ علامہ عون محمد نقوی سے انکی رہائشگاہ پر ملاقات کے دوران کیا۔اس موقع پرایم کیوایم کی سینٹرل ایگزیکٹو کونسل کے رکن شاکر علی ،علماء کمیٹی کے انچارج جاوید احمد و اراکین ایم کیوا یم کے وفد میں شامل تھے۔ملاقات کے موقع پر علامہ عون محمد نقوی اور شیعہ آئمہ مساجد امامیہ پاکستان کے دیگر عہدیداران علامہ اکرام ترمذی ، مولانامحمد حسن شریفی، مولانا آغا ظو حسین ، مولانا رجب علی ، مولانا خلیل احمد کمیلی ، مولانا ناصر شگری، مولانا راہب علی، مولانا غلام محمد سرباز ، مولانا مرزا طاہر علی و دیگر نے حلقہ این اے 246میں ایم کیو ایم کے نامزد کردہ حق پرست امیدوار کنور نوید جمیل کی بھرپور حمایت کا اعلان کرتے ہوئے کہا کہ شیعہ آئمہ مساجد مامیہ حلقہ میں موجود اپنی مساجد میں حق پرست امیدوار کی حمایت کیلئے عوام سے اپیل کریں گے کیونکہ جناب الطاف حسین واحد سیاسی رہنما ہیں جنہوں نے ہمیشہ شیعہ برادری کے حقوق کیلئے آواز بلند کی ہے ۔دریں اثناء ایم کیو ایم کے وفد کے ارکان نے علامہ عون محمد نقوی اور انکے رفقاء کار کا حمایت پر جناب الطاف حسین کی جانب سے شکریہ ادا کیا ۔