لیاقت آبادمیں شاندارجلسہ عام ان لوگوں کے منہ پر زوردارطمانچہ ہے جو کہہ رہے تھے کہ ایم کیوایم ختم ہوگئی ہے۔الطاف حسین

لیاقت آبادمیں شاندارجلسہ عام ان لوگوں کے منہ پر زوردارطمانچہ ہے جو کہہ رہے تھے کہ ایم کیوایم ختم ہوگئی ہے۔الطاف حسین
جویہ کہتے تھے کہ عوام نے الطاف حسین کاساتھ چھوڑدیالیاقت آباد کا جلسہ دیکھ کران کے ہوش اڑگئے ہیں
لیاقت آبادکے تاریخی جلسہ عام پرعوام کومبارکبادپیش کرتاہوں۔الطاف حسین
جلسہ کے انتظامات میں حصہ لینے والے کارکنوں کو خراج تحسین پیش کرتاہوں۔الطاف حسین
جب ماؤں بہنوں کو خوش دیکھتاہوں تومیرا دل بڑھ جاتاہے ۔اللہ تعالیٰ میری ماؤں بہنوں کوخوش رکھے 
ہفتہ اوراتوارکی درمیانی شب جناح گراؤنڈعزیزآبادمیں منعقدکئے جانے والے میوزیکل پروگرام سے خطاب
الطاف حسین نے فون پر میوزیکل پروگرا م سنا۔ ایک ایک فنکارکودادوتحسین اورانعام سے نوازا
کراچی ۔۔۔ 19 اپریل 2015ء
متحدہ قومی موومنٹ کے قائدجناب الطاف حسین نے کہاہے کہ لیاقت آبادمیں ایم کیوایم کا شاندارجلسہ عام ان تمام تجزیہ نگاروں کے منہ پر زوردارطمانچہ ہے جو یہ کہہ رہے تھے کہ ایم کیوایم ختم ہوگئی ہے اور عوام نے الطاف حسین کاساتھ چھوڑدیاہے۔انہوں نے یہ بات ہفتہ اوراتوارکی درمیانی شب جناح گراؤنڈعزیزآبادمیں ایم کیوایم کے کارکنوں کوخراج تحسین پیش کرنے کیلئے منعقدکئے جانے والے میوزیکل پروگرام سے خطاب کرتے ہوئے کہی۔ اس موقع پرجناح گراؤنڈمیں بہت بڑی تعدادمیں مردوخواتین، بچے بچیاں موجود تھے ۔لوگ پوری پوری فیملیز کے ساتھ میوزیکل پروگرام میں شریک تھے اورپوری رات گزرجانے کے باوجودعوام کاجوش وخروش قابل دید تھا۔ اس موقع پر کئی مردوخواتین فنکاروں کے ساتھ ساتھ معصوم بچوں نے بھی اپنے فن کامظاہرہ کیا۔ اس موقع پر عوام سے خطاب کرتے ہوئے جناب الطاف حسین نے نہایت خوشگوارموڈ میں تمام حاظرین خصوصاًنوجوانوں کومخاطب کیااورانہیں پیار سے ’’ آئی لو یو ‘‘ جس پر اجتماع میں موجودنوجوانوں نے بھی انہیں جواب دیا ’’ الطاف بھائی۔ وی لو یو ‘‘ ۔جناب الطاف حسین نے کہاکہ میں آپ سب کولیاقت آبادکے جلسہ عام پرمبارکبادپیش کرتاہوں اورجلسہ کے انتظامات میں حصہ لینے والے کارکنوں کوخراج تحسین پیش کرتاہوں اوران کے لئے دعاکرتاہوں کہ اللہ تعالیٰ انہیں ترقی وخوشحالی دے۔انہوں نے کہاکہ جومتعصب اینکرزاورتجزیہ نگارجو ٹی وی پربیٹھ کر جھوٹ بولتے رہے اورعوام کوڈی مورالائزکرنے کیلئے یہ کہتے رہے کہ ایم کیوایم ختم ہوگئی ہے اورعوام نے الطاف حسین کو چھوڑ دیاہے آج کے تاریخی جلسہ عام نے ان سب کے منہ پرایسازوردارطمانچہ ماراہے کہ ان سب سے ہوش اڑگئے ہیں ۔ انہوں نے کہاکہ بعض تجزیہ نگاروں نے کہاکہ یوتھ توالطا ف حسین کوجانتے ہی نہیں ہیں تووہ الطاف حسین کے ساتھ کیسے آسکتے ہیں۔ وہ لوگ آکر دیکھ لیں کہ یوتھ میرے اس طرح دیوانے ہیں کہ جیسے وہ صبح شام میرے ساتھ رہتے ہوں۔ جناب الطاف حسین نے کہاکہ میری مائیں بہنیں صبح سے شام تک ان گنت مسائل میں گھری رہتی ہیں،انہیں کوئی تفریح میسرنہیں آتی لیکن جب میں انہیں خوش دیکھتاہوں تومیرا دل بڑھ جاتاہے ۔اللہ تعالیٰ میری ماؤں بہنوں کوخوش رکھے اورانہیں نظربدسے بچائے ۔ جناب الطاف حسین میوزیکل پروگرا م کے اختتام تک مسلسل فون پر رہے ۔ انہوں نے پروگرام میں اپنے فن کامظاہرہ کرنے والے ایک ایک فنکارکودادوتحسین سے نوازا اورانہیں انعامات بھی دیے۔

iv>