بن قاسم ٹاؤن کے رہائشی ہزارہ وال،پختون،سرائیکی اورپنجابی برادری کے معززین نے متحدہ قومی موومنٹ میں شمولیت اختیارکرلی

کراچی:۔۔۔17؍اپریل2013ء

بن قاسم ٹاؤن یونین کونسل نمبر3کے رہائشی ہزارہ وال،پختون،سرائیکی اورپنجابی برادری کے معززین نے ایم کیوایم کے قائدجناب الطاف حسین کی قیادت ،فکروفلسفے اور ایم کیوایم کی حق پرستانہ جدوجہد سے متاثرہوکرمتحدہ قومی موومنٹ میں غیرمشروط طورپرشمولیت اختیارکرلی ہے۔ایم کیوایم میں شمولیت کااعلان انہوں نے خورشید بیگم سیکریٹریٹ عزیزآبادمیں کیا۔اس سے قبل متحدہ قومی موومنٹ کی رابطہ کمیٹی کے رکن سیدشاکرعلی اورمرکزی رہنماء عامرخان سے بن قاسم ٹاؤن کی یونین کونسل3کے رہائشی ہزارہ وال،پختون،سرائیکی اورپنجابی برادری سے تعلق رکھنے والے معززین کے وفدنے عبدالحسان کلاسرہ،لال محمدسرائیکی اورمندوخان کی سربراہی میں خورشید بیگم سیکریٹریٹ عزیزآبادمیں ملاقات کی۔اس موقع پروفدکے اراکین نے گفتگوکرتے ہوئے کہاکہ قائدتحریک الطاف حسین کے تدبراورفہم وفراست نے پاکستان میں بسنے والے متوسط طبقے کی سوچ تبدیل کردی ہے،آج پورے ملک کے98فیصدمتوسط طبقے کے عوام دوفیصداستحصالی ٹولے کے خلاف قائدتحریک الطاف حسین کی جدوجہد میں شامل ہیں۔انہوں نے کہاکہ حق پرست قیادت نے جس طرح قائدتحریک الطاف حسین کے فکروفلسفے پرعمل پیراہوکر ترقیاتی کام کروائے وہ قابل ستائش ہیں ۔ انہوں نے کہاکہ آج مختلف برادریوں کے سرکردہ افرادیہاں موجودہیں اوراپنی اپنی پوری برادریوں کے ہمراہ قائدتحریک الطاف حسین کے فکروفلسفے اوران کی عملی جدوجہد سے متاثرہوکرایم کیوایم میں غیرمشروط شمولیت کاباقاعدہ طورپراعلان کرتے ہیں اوراس بات کاعہدکرتے ہیں کہ ہم اپنی زندگیاں جناب الطاف حسین کے فکر وفلسفے کے پرچارکیلئے وقف کردینگے اوراین اے258-،پی ایس129اورپی ایس130کے حلقہ انتخاب سے جناب الطاف حسین کے نامزدحق پرست امیدواروں کو دوٹ دیکربھاری اکثریت سے تاریخی کامیابی دلائیں گے۔اس موقع پررکن رابطہ کمیٹی سیدشاکرعلی اورمرکزی رہنماء عامرخان نے ایم کیوایم میں شمولیت اختیار کرنیوالی مختلف برادریوں کے افرادکاایم کیوایم میں خیرمقدم کیااورانہیں ایم کیوایم کی جدوجہدمیں شامل ہونے پر قائد تحریک جناب الطاف حسین کی جانب سے مبارکباد پیش کرتے ہوئے کہاکہ ملک کے 98فیصد عوام قائدتحریک الطاف حسین کواپنانجات دہندہ تسلیم کرچکے ہیں اوراب وہ وقت دورنہیں جب الطاف حسین کے نامزد امیدوارملک میں رائج فرسودہ نظام کی بساط پلٹ دینگے۔انہوں نے کہاکہ 11مئی کاسورج حق پرستوں کی شاندارکامیابی کی نویدلیکرطلوع ہوگا۔