ایم کیوایم کے قائد الطاف حسین کے کلاس فیلو اور ڈاؤ میڈیکل کالج کے سابق ڈین ڈاکٹر ثروت حسین یاسین آباد کے شہداء قبرستان میں سپرد خاک
نماز جنازہ اور تدفین میں سوگوار لواحقین سمیت ایم کیوایم رابطہ کمیٹی کے ڈپٹی کنوینر، حق پرست سابق پارلیمینٹیرین اور مختلف شعبہ ہائے زندگی سے تعلق رکھنے والے افراد کی بڑی تعداد میں شرکت
کراچی۔۔۔۔۔2اپریل، 2013ء
جناب الطاف حسین کے کلاس فیلو ، ایم کیو ایم کے دیرینہ ہمدرداور ڈاؤ میڈیکل کالج کے سابق ڈین ڈاکٹر ثروت حسین کو ہزاروں سوگواران کی موجودگی میں بعد نماز عشاء یاسین آباد کے شہداء قبرستان میں سپرد خاک کردیا گیا۔مرحوم کی نماز جنازہ جامع مسجد جبل ، کے ڈی اے سوسائٹی گلشن اقبال میں ادا کی گئی ۔ نماز جنازہ و تدفین میں مرحوم کے سوگوار لواحقین ، ایم کیو ایم رابطہ کمیٹی کے ڈپٹی کنوینر ڈاکٹر نصرت ، حق پرست سابق پارلیمینٹرین عبدالقادر خانزادہ، اقبال قادری، عبدالوسیم، شیخ صلاح الدین، نشاط ضیاء، معین خان، ندیم مقبول ، مزمل قریشی اور مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی۔دریں اثناء مرحوم کا سوئم 3اپریل بروز بدھ کو بعد نماز عصر تا مغرب جامع مسجد جبل کے ڈی اے سوسائٹی گلشن اقبال میں ہوگا۔