متحده قومي موومينٽ پاڪستان جي آئين و قانون جي مطابق پرامن معاشي انقلاب آڻڻ جي لاءِ عملي جدوجهد ۾ مصروف آهي.
رابطا ڪميٽي ميمبرن عبدالحسيب،افتخار اڪبر رنڌاوا ۽ ٻين جو ايم ڪيو ايم جنوبي پنجاب جي تحت منعقده دعوت افطار و ڊنر کي خطاب.
ملتان؛ 26جولائي 2014
متحده قومي موومينٽ جي رابطا ڪميٽي جي ميمبرن افتخار اڪبر رنڌاوا ۽ عبدالحسيب چيو آهي ته قائد تحريڪ جناب الطاف حسين جي قيادت ۾ انشاء الله تعالٰي پاڪستان ۾ پرامن ۽ جمهوري طريقي سان ئي انقلاب ايندو ۽ ايوانن ۾حقيقي عوامي نمائندا ئي اسيمبلين ۾ پهچي ڪري هن ملڪ جي تقدير بدلي چڏيندا.انهن خيالن جو اظهار انهن جنوبي پنجاب جي طرفان ايم ڪيو ايم ملتان زون آفيس ۾ منعقده افطار ڊنر جي شرڪاء کي خطاب ڪندي ڪيو. ان موقعي تي صوبائي تنظيمي ڪميٽي جو انچارج ارشاد ظفير، صدر مرزٰي فرقان علي مغل ۽ ٻين ذميوارن کان علاوه معززن ۽ ڪارڪنن جي وڏي تعداد موجود هئي.رابطا ڪميٽي ميمبرن چيو ته ايم ڪيو ايم پاڪستان جي آئين و قانون جي دائري ۾ رهندي پرامن معاشي انقلاب آڻڻ جي جدوجهد ۾ مصروف آهي ۽ قائد تحريڪ جناب الطاف حسين جو فڪر و فلسفو پنجاب جي هر ماڻهو تائين پهچندو ۽ پنجاب بلڪه سڄي ملڪ کان موروثي سياسي نظام جو خاتمو ٿيندو. افطار ڊنر کي صوبائي تنظيمي ڪميٽي جي انچارج ارشاد ظفير، جنوبي پنجاب جي صدر مرزٰي فرقان علي مغل، جنوبي پنجاب جي سينيئر نائب صدر ملڪ خالد فاروق، جنرل سيڪريٽري عمران گاڏهي،شمساد جعفري، ڪرامت شيخ ۽ رائي محمد خالد به خطاب ڪيو.ان موقعي تي قائد تحريڪ جناب الطاف حسين جي صحت و تندرستي، وڏي عمر، پاڪستان جي بقا و سلامتي، فوج جي شهيدن جي بلند درجات ۽ فلسطين جي مظلوم مسلمانن تي ٿيندڙ ظلمن کان نجات جي لاءِ دعائون به ڪيون ويون.
****