سندھ کےمعروف صحافی نصراللہ گڈانی کاقتل قابل مذمت ہےالطاف حسین

Posted on: 5/24/2024

سندھ کےمعروف صحافی نصراللہ گڈانی کاقتل قابل مذمت ہےالطاف حسین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ #JusticeForNasurullahGadani میں ،گزشتہ 46 برسوں سے پاکستان اور اس کے عوام پر مسلط فرسودہ جاگیردارانہ اوروڈیرانہ نظام کے خلاف عملی جدوجہد کررہا ہوں ۔ یہ جاگیرداروڈیرےکھلے عام سچائی بیان کرنے والےصحافی عزیزمیمن اور جان محمد مہر سمیت درجنوں صحافیوں کو قتل کریں،کسی کے گھرکی چادرچہاردیواری کا تقدس پامال کریں اور ماں ،بہن، بیٹی کی بے حرمتی کریں لیکن ان کرپٹ جاگیرداروں اوروڈیروں کو کسی عدالت سے ان کے ظلم وجبراور زیادتیوں کے خلاف سزا دینا توکجا ان پر کبھی مقدمہ تک نہیں چلایاگیا، جس کا نتیجہ یہ نکلا کہ تین روز قبل سندھ کے شہرمیرپورماتھیلو میں حق اور سچ کی آواز بلند کرنے والے سندھ کے ایک اورمعروف صحافی اور ویڈیولاگر نصراللہ گڈانی کو گولیاں مارکر شدید زخمی کردیا گیا تھا جوآج زخموں کی تاب نہ لاتےہوئے جاں بحق ہوگئے ۔ (اناللہ وانا الیہ راجعون) مقامی جاگیرداروں اوروڈیروں نے نصراللہ گڈانی کواس لئے بہیمانہ طریقے سے قتل کروایاکیونکہ وہ تمام وڈیروں ، جاگیر داروں اورکرپٹ سیاستدانوں کی کرپشن پر کھل کر تنقید کیاکرتے تھے اور غریب سندھی عوام میں شعوری بیداری پھیلایاکرتے تھے۔نصراللہ گڈانی کا یہ عمل ظالم جاگیرداروں اوروڈیروں کو پسند نہیں آیا لہٰذا انہیں سفاکی سے راستے سے ہٹادیاگیاتاکہ دوسرے صحافیوں کو بھی خاموش کرادیاجائے۔ میں ،سندھ کےعوام سےاپیل کرتاہوں کہ وہ ظالم جاگیرداروں ، وڈیروں اورکرپٹ سیاستدانوں کے خلاف متحد ہوجائیں، سندھ بھرکے ہاری ،کسان ، مزدوراور مڈل کلاس سندھی عوام ان ظالم جاگیرداروں اوروڈیروں کے خلاف اٹھ کھڑے ہوں، غریب عوام کو انقلاب لاناہوگا ورنہ نصراللہ گڈانی کے ساتھ ہونے والے ظالمانہ سلوک کو دیکھ کر کوئی بھی صحافی ان کرپٹ عناصر کی کرپشن اورمظالم کو اجاگر کرنے کی جرات نہیں کرے گا۔ میں ،کرپٹ جاگیرداروں ، وڈیروں اور سیاستدانوں کے ہاتھوں سندھی صحافی نصراللہ گڈانی کے قتل کے گھناؤنے عمل کی سخت ترین الفاظ میں مذمت کرتا ہوں ، نصراللہ گڈانی کے سوگوارلواحقین سے دلی تعزیت کرتا ہوں اور حکومت سے مطالبہ کرتا ہوں کہ نصراللہ گڈانی کےقتل کا سنجیدگی سے نوٹس لیاجائے،قتل میں ملوث وڈیروں اوران کے کارندوں کوگرفتار کیاجائےاورمقتول کے اہل خانہ کی کفالت کی جائے ۔ الطاف حسین

10/28/2025 11:51:59 PM

Passage of 27th Constitutional Amendment is in pipeline as escalated e... 28 Oct 2025	The 26th Constitutional Amendment and the Future of the Justice System... 27 Oct 2025
I want to make Pakistan free in letter and spirit and independent. S... 25 Oct 2025	Happydiwali2025 ... 20 Oct 2025
Altaf Hussain calls for permanent ceasefire with Afghanistan: ... 16 Oct 2025	Make good bilateral ties with Afghanistan rather than becoming deadlie... 16 Oct 2025
Altaf condemns impediments in KP CM election; calls It “Injustice to P... 14 Oct 2025	Creating impediments in the election of the KP CM through undemocrati... 13 Oct 2025
Late Aftab Ud Din Baqai will remain immortal in the history of the MQM... 11 Oct 2025	Can 250 million people of Pakistan accept Trump’s peace plan which is ... 04 Oct 2025