جبر کرنے والوں کے نام
(قائدتحریک الطا ف حسین کی 60ویں سالگر ہ پر)

(بطرز۔۔۔غم دل کو ان آنکھوں سے چھلک جانابھی آتاہے)

لہو کو اشک کی صورت چھلک جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

وفا کی راہ میں جو زندگی ہم نے گزاری ہے
ہمیں وہ زندگی دنیا کی دولت سے بھی پیاری ہے
بڑھے گا یہ جنوں جتنا وہ ہم پر ظلم ڈھائیں گے
وہ ہم کو آزمائیں گے ہم ان کو آزمائیں گے
ہمیں شبنم سے آخر شعلہ بن جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

وہ اپنے ہاتھ سے اپنے ہی گلشن کو جلالینا
وہ گھر کو چھوڑ دینا اور بیاباں میں پناہ لینا
وہ آگ اور خون کے دریا وہ ماہ و سال وحشت کے
بھلاسکتا ہے کیسے کوئی وہ آلام ہجرت کے
ہمیں گزری ہوئی باتوں کو دہرانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

ہمیں آتا نہیں راہِ وفا میں سرنگوں ہونا
ہمیں تسلیم ہے اپنی تمناؤں کا خوں ہونا
ہم اس تصویر میں اپنے لہو سے رنگ بھر دیں گے
’’یہ دل کیا چیز ہے ہم جان بھی قربان کردیں گے‘‘
ہمیں اس راہ میں جاں سے گزر جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

کوئی اہلِ ستم کو جاکے اب یہ بات سمجھائے
کئی آئے ستمگر پر ہمیں نہ ختم کر پائے
ہو چاہے جبر جتنا عہد کو ہر گز نہ توڑیں گے
ہم اپنے ہاتھ سے اس پرچمِ حق کو نہ چھوڑیں گے
وفا کی راہ میں پھر ہم کو ڈٹ جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

یقیں ہے ایک دن اس شہر میں وہ دن بھی آئے گا
ہر اک محروم اپنے حصہ کی خوشیوں کو پائے گا
وہ قائد شان سے اپنے وطن میں پھر سے آئے گا
وہ اس اجڑے ہوئے گلشن کو یوں پھر سے سجائے گا
بتادے گا کہ ہم کو قوم بن جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

لہو کو اشک کی صورت چھلک جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

مصطفےٰؔ عزیزآبادی
17ستمبر2013ء

مہاجرکسی سے نفرت نہیں کرتے مہاجروں نے ظلم کیایامہاجروں پر ظلم کیاگیا... 26 Jul 2026	سندھ کودیہی اورشہری کی بنیادپر تقسیم الطاف حسین نے کیا یا ذوالفقارعلی... 25 Jul 2026
کشمیر کو مکمل آزاداورخودمختار ریاست کے طورپرتسلیم کیاجائے۔الطاف حسین ... 25 Jul 2026	پاکستان میں جمہوریت کے نام پر شریف خاندان اوربھٹوخاندان کی بادشاہت ا... 23 Jul 2026
پیپلزپارٹی کی حکومت ایک سازشی منصوبے کے تحت سندھ کے مستقل باشندوں سندھ... 21 Jul 2026	مہاجروں کے خلاف مظالم اورآمریت کے تسلط میں ذوالفقارعلی بھٹوکاکردار الط... 21 Jul 2026
تاریخی حقائق سے یہ بات ثابت ہے کہ پیپلزپارٹی کے بانی ذوالفقارعلی بھٹو ... 20 Jul 2026	تقسیم ہند اور تاریخ برصغیر کے ناقابل تردید پہلو : ... 19 Jul 2026
بعض پوڈ کاسٹرز پیپلزپارٹی کی ایما پر سندھ میں سندھی مہاجر نفرت کی آگ ... 18 Jul 2026	کمراں خدارا بیرونی قوتوں کے مفادات کی جنگ کاحصہ بننے اوران کے مفادات ک... 14 Jul 2026