وزیراعظم میاں محمد نوازشریف کے سمدھی ، مریم نواز کے سسر او ر رکن قومی اسمبلی کیپٹن (ر) صفدر کے والد محمد اسحاق کے انتقال پر جناب الطاف حسین کااظہار افسوس
لندن۔۔۔28، اگست2014ء
متحدہ قومی موومنٹ کے قائد جناب الطاف حسین نے وزیراعظم نواز شریف کے سمدھی ، مریم نواز کے سسراور کیپٹن (ر) صفدر کے والد محمد اسحاق کے انتقال پر گہرے دکھ اور افسوس کااظہا رکیا ہے ۔ ایک تعزیتی بیان میں انہوں نے محمد اسحاق مرحوم کے سوگوار لواحقین سے دلی تعزیت وہمدردی کااظہار کرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے ۔ (آمین)