رینجرز کے ہاتھوں سرجانی سیکٹر کے دو کارکنان کی مسجد سے بلاجواز گرفتاری پر ایم کیو ایم رابطہ کمیٹی کی مذمت

کراچی ۔۔۔۔21جولائی2014ء

متحد ہ قومی موومنٹ کی رابطہ کمیٹی نے سرجانی ٹاؤن سیکٹر 10/5 میں واقع جامع مسجد دلائل الخیرات سے رینجرزکے ہاتھوں ایم کیو ایم سرجانی ٹاؤن سیکٹر یونٹ07کے دو کارکنان عامر اشرفی ولد معین الدین اور ریحان علی ولد انتظار علی کی بلاجواز گرفتاری کی سخت الفاظ میں مذمت کی ہے۔ رابطہ کمیٹی نے کہاکہ دونوں کارکنان اپنے علاقے کی جامع مسجد میں اعتکاف میں بیٹھے افراد میں افطاری تقسیم کرنے گئے تھے جہا ں سے رینجرز اہلکاروں نے انہیں شناخت کے بعد گرفتار کرکے نامعلوم مقام پر منتقل کر دیا ہے۔انہوں نے کہا کہ ایم کیو ایم کے بیگناہ کارکنان کو گرفتا ر کر کے لاپتہ کر نے کا سلسلہ تواتر کے ساتھ جاری ہے جو کہ ایم کیو ایم اورگرفتاری کے بعد لاپتہ ہونے والے کارکنان کے لواحقین کے لئے انتہائی تشویش اور فکر کا باعث ہے ۔ رابطہ کمیٹی نے وزیر اعظم پاکستان میاں محمد نواز شریف ، وفاقی وزیر داخلہ چوہدری نثار علی خان ، گورنر سندھ ڈاکٹر عشرت العباد اور وزیر اعلیٰ سند ھ سید قائم علی شاہ سے مطالبہ کیا ہے کہ وہ رینجرز کے ہاتھوں گرفتار کارکنان کے لاپتہ کئے جانے کافی الفور نوٹس لیکر کارکنان کے بارے میں معلومات کی فراہمی میں ا نکے اہل خانہ کو رمعلومات فراہم کرنے کے لئے ہر ممکن مدد کریں ۔