ایم کیو ایم نارتھ کراچی سیکٹر یونٹ 136۔ا ے ،کے کارکن محمد ریاض کی شہادت پر جناب الطاف حسین کا اظہار افسوس

لندن ۔۔۔24جون 2014ء

متحدہ قومی موومنٹ کے قائد الطاف حسین نے نامعلوم مسلح دہشتگردوں کی فائرنگ کے نتیجے میں ایم کیو ایم یونٹ 136/Aنارتھ کراچی سیکٹر کے کارکن محمد ریاض ولد محمد حسین کی شہاد ت پر گہرے دکھ اور افسوس کا اظہار کیا ہے ۔جناب الطاف حسین نے شہید محمد ریاض کے اہل خانہ سے اظہار ہمدردی کرتے ہوئے کہاہے کہ مجھ سمیت ایم کیو ایم کے تمام کارکنان لواحقین کے غم میں برابر کے شریک ہیں۔ جناب الطاف حسین نے دعا کی کہ اللہ تعالیٰ شہید محمد ریاض کے درجات بلند فرماکر انہیں جنت الفردوس میں اعلیٰ مقام عطا کرے اور لواحقین کو یہ صدمہ برداشت کرنے کی ہمت عطا فرمائے ۔