ایم کیوایم کورنگی سیکٹر یونٹ 69کے کارکن محمد اشفاق قریشی کی شہادت پرایم کیوایم کے قائد جناب الطا ف حسین کا اظہار افسوس

لندن ۔۔۔25مئی 2014ء

متحدہ قومی موومنٹ کے قائد جناب الطاف حسین نے ایم کیوایم کورنگی سیکٹر یونٹ 69کے سینئر کارکن محمد اشفاق قریشی کی شہادت پر گہرے دکھ اور افسوس کا اظہار کیاہے ۔ایک تعزیتی بیان میں انہوں کہا کہ محمد اشفاق قریشی شریف النفس اور مخلص کارکن تھے جو ہر مشکل دور میں ثابت قدم رہے۔انہوں نے شہید کے سواگوار لواحقین سے دلی تعزیت و ہمدردی کا اظہار کرتے ہوئے کہا دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں۔جناب الطاف حسین نے دعا کی کہ اللہ تعالیٰ شہید کو جنّت الفردوس میں اعلیٰ مقام عطا فرمائے اور سواگوارلواحقین کو یہ صدمہ برداشت کرنے کا حوصلہ عطا کرے ۔ (آمین)