قومی کرکٹ ٹیم کے سابق کپتان اور مایہ ناز کھلاری وسیم اکرم کے والد کے انتقال پر الطاف حسین کااظہار افسوس

لندن۔۔۔30، اپریل2014ء 

متحدہ قومی موومنٹ کے قائد جناب الطاف حسین نے قومی کرکٹ ٹیم کے سابق کپتان اور کرکٹ کے مایہ ناز کھلاڑی وسیم اکرم کے والد چوہدری محمد اکرم کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں انہوں نے مرحوم کے سوگوار لواحقین سے دلی تعزیت وہمدردی کااظہار کرتے ہوئے کہا کہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)