ایم کیوایم کے قائد جناب الطاف حسین کی ہدایت پر ایم کیوایم کے مرکز نائن زیرو اور فلاحی ادارے کے کے ایف میں صحرائے تھر میں قحط زدہ افراد کی امداد کے لئے امدادی کیمپ قائم کر دئیے گئے ہیں

کراچی۔۔۔6مارچ2014ء

ایم کیوایم کے قائدجناب الطاف حسین کی ہدایت پرایم کیوایم کے مرکز نائن زیرو اور فلاحی ادارے خدمت خلق فاؤنڈیشن میں صحرائے تھرمیں قحط زدہ افراد امداد کے کیلئے امدادی کیمپ قائم کر دئیے گئے ہیں اورتھرکے قحط زدہ افرادامداد کیلئے غذائی اجناس و دیگراشیاء ضرورت پر مشتمل آج پہلا ذخیرہ ادمداد کا روانہ کیا جائے گا۔ جس میں آٹا ، دالیں ، خشک دودھ،چینی ،بسکٹس کے علاوہ ملبوسات سمیت زندگی بچانے والی ادویات بھی شامل ہیں۔ رابطہ کمیٹی نے کہاکہ ایم کیوایم دکھی انسانیت کے جذبے سے سرشار ہو کر دکھی انسانیت کی بلا امتیاز رنگ و نسل خدمت پر یقین رکھتی ہے ۔رابطہ کمیٹی نے نے مخیرحضرات سے بھی اپیل کی کہ وہ نائن زیرہ اور کے کے ایف میں قائم کیمپوں میں زیاہ دہ سے زیادہ غذائی اجناس دیگر سامان جمع کرائیں۔ تھرکے قحط زدہ افراد کی زیادہ سے زیادہ امداد کریں تاکہ انسان کی قیمتی جانوں ضائع ہونے سے بچایا جاسکے۔