ماورائے عدالت قتل کئے گئے ایم کیوایم کورنگی سیکٹر کے کارکن محمد سلمان کو آہوں اور سسکیوں کے درمیان سپرد خاک کردیا گیا

ٓکراچی ۔۔۔7، فروری 2014ء 

گزشتہ روز سرکاری حراست میں بہیمانہ تشدد کا نشانہ بنانے کے بعد ماورائے عدالت قتل کئے گئے متحدہ قومی موومنٹ کورنگی سیکٹر یونٹ 75کے کارکن محمد سلمان شہید کو آج سینکڑوں سوگواروں کی آہوں اور سسکیوں کے درمیان کورنگی نمبر 1کے قبرستان میں سپرد خاک کردیا گیا ۔ شہید کی نمازجنازہ کورنگی نمبر ڈیڑھ میں واقع مدینہ مسجد میں ادا کی گئی ۔ نما زجنازہ اور تدفین میں ایم کیوایم کی رابطہ کمیٹی کے ارکان کنور نوید جمیل ، عاد ل خان ، حق پرست ارکان صوبائی اسمبلی شیراز وحید ، عامر معین ، کراچی تنظیمی کمیٹی کے اراکین ، کورنگی سیکٹر کمیٹی کے ارکان ، یونٹوں کے ذمہ داران ، کارکنان ، ہمدردوں اور شہید کے عزیز واقارب نے بہت بڑی تعداد میں شرکت کی