حق پرست عوام، حافظ مسرور کی صحت یابی کیلئے خصوصی دعا کریں، الطاف حسین
لندن۔۔۔26 جنوری 2014ء
متحدہ قومی موومنٹ کے قائد جناب الطاف حسین نے ایم کیوایم برطانیہ کے بزرگ ہمدرد حافظ مسرورکی علالت پرگہری تشویش کااظہار کیا ہے اور ان کی جلدومکمل صحت یابی کیلئے دعا کی ہے ۔ ایک بیان میں جناب الطاف حسین نے حق پرست ماؤں ، بہنوں ،بزرگوں اور کارکنوں سے اپیل کی کہ وہ حافظ مسرور کی صحت یابی کیلئے اللہ تعالیٰ کے حضور خصوصی دعا کریں۔ واضح رہے کہ حافظ مسرور شدید علالت کے باعث ان دنوں لندن کے مقامی اسپتال میں زیرعلاج ہیں۔